'
Motto: "I thu chhiarin a siam che"

Sunday, August 23, 2015

Myanmar Encyclopedia (Burmese Version)

Kum 2013 chhunga khawlvela thil thleng chhinchhiah tlak tak tak ziahna Myanmar Encyclopedia chhiar theih a ni ta. He lehkhabu hi Kawl tawnga ziak a ni a, a chhungah hian Kawlram chhunga thil thleng leh khawvela thil thleng pawimawh tak takte chhiar tur a awm a ni.

 Download Here for PDF >>>>> Click rawh le

Hringnun Khawvel

By: Kawl Ngheta 

“Dik taka hringnun khawvel i hman chuan i mawi a, i mawi chuan miin an ngaina che a; miin an ngainat che chuan i hlim thin.” Rev. Charles Darwin

Hringnun khawvel hi i lo chikin i lo chhut ve ngai em? Mahni nihna inhhre chiang duh der lo. Mahni tana hlawkna tur a nih dawn phat chuan thenawmte neih chu tlem lo kiam deuh hrat pawh ni se pawi tihna nei lo. Mi dang aiin mahni indah sanna rilru pu, Ropui leh hmingthan duh tak hi kan ni a, Duhzuala chuan a hla “Hraite” tihah chuan, “ I rawn pian chhuahna tur hi hre chiang la chuan, Kir i duh leh hial ang,” a lo ti thlawt mai. 

Hringnun khawvel hi chu hriat thiam a har em a ni. Kan thu hriltuten pulpit tlang atangin “Sawma pakhat hi pek a tha,” tia an aute pawh hian a pek lam chu an ui ve tlat nia. Kan Bible-a “Lawmte lawmpui u la, tapte tahpui rawh u,” tih changte hi kan hriat bel teh reng nen, tapte hi chu kan tahpui thei a, lawmte lawmpui erawh hi chu kan la tlin lo a nih hi! Mi tinte hi kan khawvel a zim sawt hlawm em em a. T.V chanchin thar (Redio) nitin chanchinbu chhuak a tam tawh mai; tun leh tuna thu thleng Internet atangin kan hre zung zung thei tawh a. Kan khum zawl atangin USA, Japan, India, Kan duhna hmun hmun kan be zeuh zeuh thei tawh a. Hringnun khawvel hi mit khapkar lovah a va’n thang chak tak em, hriat phak rual loh a ni. 

Sunday, August 16, 2015

Freedom From Fear (Burmese Version PDF)

By: Aung San Suu Kyi

Rev. Dr. Zairema Chanchin

By: Rev. Chuauthuama
Kum zabi 20-na chhûnga Mizo zînga pa ropui ber pakhata chhiar tel ngei tùr chu Rev. Dr. Zairema hi a ni ang. A chanchin hi amah ngei pawhin ngaihnawm takin ‘I Ni Min Pêk Hi’ tih buah a ziak tawh a. Tûn tumah hian Khawvêl Sunday School Ni-a tum hnih zir tùrin a tawi thei angin kan ziak dâwn a. Then khatnaah hian a chanchin tlângpui kan zir ang a; then hnihnaah chuan a mizia, amah atanga zir chhuah tùr, kohhran leh ram leh hnam tâna atangkaina lam zir a ni ang.

Download PDF >>>> Click Here

Myanmar Bible Society Hnuhma

MYANMAR BIBLE SOCIETY HNUHMA (16 AUGUST, 2015 BIBLE DAY)

 
By: Zalianthanga, Tahan
 
A tirin:

Welsh hmeichhe tleirawl Mary Jones chuan a pawisa khawl chhuna Bible man a neih daih hnu chuan an awmna atanga mel 25 vela hla Baala khuaah a kal ta ngar ngar a. Mahse, Bible lei tur a lo awm ta mai lova, lunghnura haw mai tur chu Rev.Thomas Cherles chuan a lainat ta em em mai a, mi lei tawhsa a kawl mi Bible chu a lo leitir ta a, hlim em emin a haw thei ta a ni. Chu mi atang chuan Rev.Thomas chuan Welsh tawnga Bible neih theih dan kawng chu a dap nghal ta a ni.

Bible Society din a ni ta

Sunday, August 2, 2015

Nicea Thurin (AD 325)

Pa Pathian pakhat, engkimtithei, lei leh van leh thil zawng zawng, hmuh theih leh hmuh theih loh siamtu chu ka ring. Lalpa pakhat Isua Krista, Pathian Fapa mal neih chhun, khawvel zawng zawng awm hmaa Pa hrin chu ka ring. Ani chu Pathian ata Pathian, êng ata êng, Pathian tak ata Pathian tak, hrin, siam ni lo, Pa nena nihna hmun khat, thil zawng zawng hi ama kuta siam, amah chu keini mihringte tan leh kan chhandamna atan van atangin a lo chhuk a, Thlarau Thianghlim hnathawhin nula thianghlim Mari-ah chuan tisaah a lo chang a, mihring a lo ni a. Pontia Pilata thuin kan tan khenbehin a awm a, a tuar a, tin, phumin a awm a, ni thum niah Pathian Lehkha thu sawi angin a tho leh a, vanah a lawn a, Pa dinglamah a thu a, mitthi leh mi nung rorel turin ropui takin a lo kal leh ang. A ramin kin ni a nei lo vang. Thlarau Thianghlim, nunna petu leh nunna Lalpa chu ka ring, Amah chu Pa leh Fapa ata lo chhuak, Pa leh Fapa nena ang khata biak leh chawimawi, Zawlneite hmanga thu sawitu a ni. Apostol-te din chhuah huapzo Kohhran Thianghlim hi ka ring. Sual ngaihdam nana Baptisma pakhat hi ka pawm. Mitthi thawhlehna leh khawvela lo awm leh tura nunna chu ka thlir. Amen