U.S. nena Indawrtawnna (Diplomatic Relation) nei lo ramte

Khawvel rawm tam zawkte chuan U.S.nena indawrtawnna (diplomatic relation) an nei deuh vek a, nimahsela U.S. nena indawrtawnna nei lo ramte pawh an awm a ni. Chung ramte chu-

1. Iran

2. Cuba

3. North Korea

4. Buhtan leh

5. Taiwan ramte an ni.

1. Iran

April 7, 1980 atang khan U.S. chuan Iran nena an indawrtawnna chu a titawp a, April 24, 1981 khan Iran chunga U.S. palai hnathawh turin Swiss sawrkar chuan mawhphurhna a la a, U.S. chunga Iran palai hnathawk turin Pakistan sawrkar chuan mawhphurhna a la bawk a ni.

2. Cuba

Cuba leh U.S. te hi ram inep reng ni mah sela Cuba-in Communism sawrkarna a pawm chin atang khan U.S. chuan Cuba nena an indawrtawnnate chu January 3, 1961 ah a titawp a, pawimawh leh loh theih loh thila an indawr dawn a nih chuan Hanava emaw Washing D.C. emawa Swiss Embassy kaltlangin an indawr mai thin a ni.

3. North Korea

U.S. in Khawvel Indopui II-a North Korea a han kah atang khan U.S. leh North Korea-te inkarah inhuatna nasa tak a awm a, engeawm thilah a changa inbiak leh indawrtawnna awm mah sela ambassadors-te erawh an nei lo ve thung.

4. Bhutan

U.S. leh Kingdom of Bhutan-te hian diplomatic relation nei lo mah sela polite taka chibai inbuknate erawh an nei tho a ni tiin U.S. Department of States chuan a sawi a. Pawimawhna avang emaw harsatna lo awm thut vawng emawa an indawr dawn a nih chuan India ram New Delhi khawpuia U.S. Ambassy kaltlangin an indawr mai thin a ni.

5. Taiwan

Taiwan chuan kum ………..khan People’s Republic of China atangin independence a puang a, amaherawhchu U.S. hian chu chu a pawmpui thei lo a ni. Dan lova sum indawntawnna leh indawrtawnna erawh Taipei, Washington D.C., leh U.S. States 12-a Taipei Economic and Cultural Representative Office kaltlangin an nei tho a ni.