United Nations lo din dan leh inrelbawl dan Part-3

United Nations-in a tum ber chu international law & security chuangchanga thawhhona neih, economic social chungchanga ramtinte tanruala khawvel tihhmasawn, international civil human rights ngai pawimawh a, khawvela remna leh muanna thlentirte an ni.

United Nations-ah hian inawmna chi hrang hrang a awm leh a, a thupui ber leh pawimawh ber chu General Assembly kan tih hi a ni. The Security Council-in a hnapui ber chu khawvela remna leh muanna (peace & security) chungchanga rorel a ni a, The Economic & Social Council erawh chuan economic leh social lama khawvel dihhmunin hma a sawn zel theih nana thawhho va, tanrualte a ni thung a ni thung. The Secretariat lam chuan ram hrang hranga harsatna leh buainate endik a, United Nations rorelna sanga agenda thehluh a, harsatna leh buaina tawk ramte mamawh leh tulte hriattir a ni bawk.

The International Court of Justice chua n rorelna lam hna a vuam ve thung a, international dam zawm duh lo mimal leh ramte chu United Nations dan siam angin an chungthu an rel mai thin a ni. Heng bakah hian The World Health Organization (WHO) te, The World Food Programme (WFP) te leh the United Nations Children’s Fund (UNICEF) te an la awm a, heng organization-te hian khawvela harsatna leh buaina tawk ramte chu a tul dan ang zelin tanpuina an pe a, regugee lo humhalh te, ralthuam hlauhawm laka invent tawnna dan (disarmament & non-proliferation) te, terrorism hmachhawn dan (Counter Terrorism)-te leh Khawvel Indopui II laia boom la puak lo te tihfai te thlengin thang leh tharte tan zalenna, remna leh muanna khawvel chu siam tumin zau takin hna a thawk a ni.

United Nations hnuaia thil pawimawh awm leh te chu peacekeeping, peacebuilding, conflict prevension an tih te leh humanitarian assistance an tih te a ni. Heng organization-te hnapui ber chu indona rama ralveng tura sipai tawn te, mipui mangang lo humhalh te leh natural disaster (lirnghing, tuilian, leimin, etc) avanga harsatna tawk ramte a tul dan ang zela tanpuina pekte an ni.

1. Membership- Ram 192

2. UN din kum- October 24, 1945

3. Peacekeeping operation awm zat- 16

4. Kum 2008-2009 budget an siam zat- USD 4.171 billion ( NB: Peacekeeping budget telh a ni lo)

5. October 24, 1945 chu United Nations din kum a nih avangin October 24 chu United Nations Day atan October 31, 1947 khan UN Danpui 168 (II) chuan a nemnghet a ni.

More