Middle East chanchin Part- III (Bahrain)

1. A chanchin tlangpui

Bahrain hi Rome hun lai atang tawha sumdawnna hmun pawimawh tak a ni a, Arabs-hovin kum rei tak an lo awp tawh ram a ni. Saudi Arabia Tuipui chhak lama Persian Gulf chhungah hian ‘Island’ an tih mai tuipui thlirkara khawmual 33 lai a awm a, chumi zingah chuan Bahrain hi Island lian ber a ni. Island 33 zinga Island lian ber 4 chu King Fahd Causeway an tih tuipui chunga an siam, mile 16 laia sei kawngpui chuan a zawmchhuak vek a, chung kawngpuite chuan Saudi Arabia a pawh vek bawk a ni.

A ram a tet ang bawkin poluplation an tam em em lova, polulation 30% vel chu Bahrain mi dik tak an ni lo. Bahrain khawpui Manama chheh velah mihring cheng an tam ber a, thlaler hmunah erawh an tlem hle thung. Petrol, khawvartui, gas leh international Banking atangin sum lut an nei tam ber a, mithiamte sawi dan pehi chuan Middle East ram zinga khawvartui leh gas an hmuhchhuahna hmasa ber chu Bahrain hi a ni e an ti.

A ram chhungah luipui leh tuipui hmingthang sawi em em tur a awm hran lova, lung leh tiau a tam hle a ni. A ram boruak pawh Gulf ram zingah chuan a ziaawm deuh ber a, November-February thla chhung hian tourist-ten an tlawh deuh ber bawk. Thlaah boruak a lumin a sa hle a, ruah a sur lo tlut a ni. Thlasik erawh kan Kawlram nen inang reng an ni. July-September hi a lum ber thla a ni a, a san ber tumin 97’f a thleng a, a hniam ber tumin 55’f vel a ni thung.

2. Ram inthenhran dan:

Ram inthenhran danah Afghanistan angin province an ti lova, mumicipal tiin an thenhrang thung. Bahrain hian municipality 12 a nei a ni a, chungte chu:-

1. Al Hadd

2. Al Manamah

3. Al Mintaqah al Gharbiyah

4. Al Mintaqah al Wusta

5. Al Mintaqah ash Shamaliyah

6. Al Muharraq

7. Ar Rifa' wa al Mintaqah al Janubiyah

8. Jidd Hafs

9. Madinat Hamad

10. Madinat 'Isa

11. Juzur Hawar

12. Sitrah

3.Hming- Bahrain (Kingdom of Bahrain)

4. Khawpui- Manama (147,074)

5. Mihring cheng zat- 2009 chhiarpui kum- 791,000

6. Tawng hman- Arabic, English, Farsi, Urdu

7. Sakhuana- Muslim (Shi'a leh Sunni) (82%), leh Kristian

8. Sawrkar inawp dan- Constitutional Monarchy

9. - King- Hamad bin Isa Al Khalifah

- Queen- Sabika bint Ibrahim

- Prime Minister- Khalifah ibn Sulman Al Khalifah

10. Independence lak kum-

a) Portugal atangin- 1602

b) Persia kuthnuai atangin- 1783

c) United Kingdom kuthnuai atangin- December 16, 1971

11. A ram zau lam-

a) Khawmual- 257 sq miles (665 sq km)

b) Tuipui dung- 100 miles (161 km)

c) (TOTAL)- 257 sq miles (665 sq km)

12. GDP (PPP)- 2008 estimate

- Total $27.014 billion (118th)

13. Pawisa hman- Bahraini Dinar (BHD)

14. Hun tehna- (UTC+3)

15. Kawng hman dan- Dinglama inkian tur a ni.

16. A ram hnimna lai ber- Persian Gulf - 0 ft. (0 m)

17. A ram sanna lai ber- Jabal ad Dukham - 400 ft. (122 m)

18. A ram Telifawn Kawt- 973

19. Electric hman zat- 230 volts AC (50 Hz)

More