Zofate inpui tur - Zo Inpui

Source: Zo Indigenous Forum

Posted: 08 Dec 2009 12:36 AM PST

ZORO (Zo Re-unification Organisation) huaihawtin November ni 25 khan I&PR Auditorium-ah hmun hrang hranga cheng Zofa zawng zawng huapa rorelna in tur din chungchang sawihona hun hman a ni a, kalkhawmte an lungrual hle.

Mizoram, Manipur, Assam, Tripura, Burma leh Bangladesh atangin he hunah hian Zofate an kalkhawm a, US-a inbengbel tawh, Lalthangliana Sailo a tel bawk.

Hmun hrang hrang atanga kalkhawm, Zohnahthlak hnam hrang hrangte chuan Zofate rorelna in din an duh tlang a, a hmingah Zo Inpui tih an vuah.

Kalkhawmte hian Zo Inpui din tul an tih leh tih loh an sawiho a, din tul an tih thu an sawi vek. ZORO-in lo bawhzui se tiin an rel.

2007-ah khan UN chuan thupuan a nei a, 'UN Declaration on the Rights of Indigenous Peoples' tih a ni. Indigenous People te'n an dikna leh chanvo an hmuh theih nana tih a ni a, Zofate pawh 'indigenous people'-ah hian an tel. ZORO chuan 'indigenous people' tih hi 'tualchhuak hnam' tiin an letling.

Zofate'n he UN thupuan an chhawr theih nan hian ZORO chuan hma an la a, Zofate aiawha UN biakpawh nan, Zofa zawng zawng huaptu a awm a tul avangin chumi din tur chuan hmun hrang hranga cheng Zohnahthlakte sawmkhawmin sawihona hun an huaihawt ta a ni.

Sawihonaa thusawitu pakhat, Lalthangliana Sailo chuan 'UN Declaration on the Rights of Indigenous Peoples' chungchang sawiin, "Violence lova independence hmuhna kawng a awm a, mahni duh ang anga awm theihna UNO-in min pe niin a lang," a ti.

He huna khuallian, trade & commerce minister Lalrinliana Sailo chuan Look East Policy vangin inkalpawhna a tha ang a, lawngchawlhhmun thlengin Mizoramah a awm dawn tih a sawi a, chu chuan hmun hrang hranga Zohnahthlakte a pawhkhawm a rin thu a sawi.

"Chu'ng hunah chuan, tuna inhmu thei mang lo, Bangladesh-a kan unaute, Burma-a kan unaute, sea outlet kan neih chuan kan lo inhmu tawn zung zung thei ang a, Zohnathlakte insuihkhawmna hi a thleng dawnin a lang tlat," tiin minister chuan a beiseina a sawi a ni.

Zofate chanchin chhuitu hmingthang Dr Vumson-a fanu Bianca pawh Zo Inpui chungchang sawihonaah hian a tel a, thu sawiin, a pa-in 'Zo' chu a fate ai pawhin a buaipui zawk niin a sawi. Dr Vumson hi Sihzang (Chin Hills) chhuak a ni a, German mi nupui-ah neiin USA-ah a inbengbel a ni. Bianca hian a hming chu 'Mangkhamching' a nih thu sawiin, 'Nu-Mang' ti-a ko turin kalkhawmte hi a ngen nghe nghe.

Zo Inpui hi hmun hrang hranga cheng Zofate'n aiawh tir-a ro an relna tur a ni a, a kalphung tur chu a tuk, November ni 26-ah an sawiho leh bawk.

Ni 26-ah hian a kalphung tur an sawi a, Zo Inpui chu Indian parliament te, White House te, British parliament te anga chhawng hnih ni tura ngaih ni thin mah se chhawng khat ni turin thu an titlu. |um dang ang bawkin sawihonaah hian rorelna in pahnih awm tura ngaih theihin sawitu tam zawkin an sawi a, mahse, Manipur atanga kal, palaite'n 'Mizote'n rorelna in hnih kan nei ngai lo, lal in-ah bak ro kan rel ngai hlei nem, US, UK leh India te in entawn a, mi tih dan-a tih in tum a nih kha' tiin an hnial a, chu chu an pawm tlang ta a ni.

Ni 26-ah hian a kalphung tur duangtu tur committee din an rel a, member turte thlangin, anni kutah chuan an dah ta a ni.Zofate inpui tur - Zo Inpui

ZORO (Zo Re-unification Organisation) huaihawtin November ni 25 khan IPR Auditorium-ah hmun hrang hranga cheng Zofa zawng zawng huapa rorelna in tur din chungchang sawihona hun hman a ni a, kalkhawmte an lungrual hle.

Mizoram, Manipur, Assam, Tripura, Burma leh Bangladesh atangin he hunah hian Zofate an kalkhawm a, US-a inbengbel tawh, Lalthangliana Sailo a tel bawk.

Hmun hrang hrang atanga kalkhawm, Zohnahthlak hnam hrang hrangte chuan Zofate rorelna in din an duh tlang a, a hmingah Zo Inpui tih an vuah.

Kalkhawmte hian Zo Inpui din tul an tih leh tih loh an sawiho a, din tul an tih thu an sawi vek. ZORO-in lo bawhzui se tiin an rel.

2007-ah khan UN chuan thupuan a nei a, 'UN Declaration on the Rights of Indigenous Peoples' tih a ni. Indigenous People te'n an dikna leh chanvo an hmuh theih nana tih a ni a, Zofate pawh 'indigenous people'-ah hian an tel. ZORO chuan 'indigenous people' tih hi 'tualchhuak hnam' tiin an letling.

Zofate'n he UN thupuan an chhawr theih nan hian ZORO chuan hma an la a, Zofate aiawha UN biakpawh nan, Zofa zawng zawng huaptu a awm a tul avangin chumi din tur chuan hmun hrang hranga cheng Zohnahthlakte sawmkhawmin sawihona hun an huaihawt ta a ni.

Sawihonaa thusawitu pakhat, Lalthangliana Sailo chuan 'UN Declaration on the Rights of Indigenous Peoples' chungchang sawiin, "Violence lova independence hmuhna kawng a awm a, mahni duh ang anga awm theihna UNO-in min pe niin a lang," a ti.

He huna khuallian, trade & commerce minister Lalrinliana Sailo chuan Look East Policy vangin inkalpawhna a tha ang a, lawngchawlhhmun thlengin Mizoramah a awm dawn tih a sawi a, chu chuan hmun hrang hranga Zohnahthlakte a pawhkhawm a rin thu a sawi.

"Chu'ng hunah chuan, tuna inhmu thei mang lo, Bangladesh-a kan unaute, Burma-a kan unaute, sea outlet kan neih chuan kan lo inhmu tawn zung zung thei ang a, Zohnathlakte insuihkhawmna hi a thleng dawnin a lang tlat," tiin minister chuan a beiseina a sawi a ni.

Zofate chanchin chhuitu hmingthang Dr Vumson-a fanu Bianca pawh Zo Inpui chungchang sawihonaah hian a tel a, thu sawiin, a pa-in 'Zo' chu a fate ai pawhin a buaipui zawk niin a sawi. Dr Vumson hi Sihzang (Chin Hills) chhuak a ni a, German mi nupui-ah neiin USA-ah a inbengbel a ni. Bianca hian a hming chu 'Mangkhamching' a nih thu sawiin, 'Nu-Mang' ti-a ko turin kalkhawmte hi a ngen nghe nghe.

Zo Inpui hi hmun hrang hranga cheng Zofate'n aiawh tir-a ro an relna tur a ni a, a kalphung tur chu a tuk, November ni 26-ah an sawiho leh bawk.

Ni 26-ah hian a kalphung tur an sawi a, Zo Inpui chu Indian parliament te, White House te, British parliament te anga chhawng hnih ni tura ngaih ni thin mah se chhawng khat ni turin thu an titlu. |um dang ang bawkin sawihonaah hian rorelna in pahnih awm tura ngaih theihin sawitu tam zawkin an sawi a, mahse, Manipur atanga kal, palaite'n 'Mizote'n rorelna in hnih kan nei ngai lo, lal in-ah bak ro kan rel ngai hlei nem, US, UK leh India te in entawn a, mi tih dan-a tih in tum a nih kha' tiin an hnial a, chu chu an pawm tlang ta a ni.

Ni 26-ah hian a kalphung tur duangtu tur committee din an rel a, member turte thlangin, anni kutah chuan an dah ta a ni.

More