The Silver Plate

Silvar thleng:

Zirlai pa pakhat hian ṭhian kâwmngeih tak nula pakhat a nei a. Chu nu chu sâng zeihzawih, pian thiam tak, nula zei leh mi biangbiak thiam tak a ni. Zirna hmun khata kal an nih angin room pakhat an luah dûn a, nupa ni si lovin nupa angin hun rei tak an khawsa tawh bawk a.

Tlai khat chu a nuin a fapa leh chu hmeichhia chu zânriah kilpui turin a zuk tlawh a. A nu pawhin a fapa ngaihzâwng a han hmuh meuh chuan hmêl ṭha a ti ve hle a; amaherawhchu, a fapa nên hun rei tak an lo chêng dun tih a hriat avangin thusawi dan a fimkhur hle a, zawhna pawh a zawt tam hman hle a ni. Chawi ei paha an ti ti melh melh lai chuan a fapa leh a thiani te inbiak dan leh che vel chu a nu chuan ngun takin a lo mitmei ru reng a. An mit hmanga an inbiak dante chu a hriat thiam theih chi a nih loh avangin a meng phawk hu a. Chutia a nu meng phawk hu hu chu a fapain a hriat thiam avangin a nu hnenah chuan, “Ka nu, i thil ngaihtuah ka hre vek ania. Hei ka thiani hi ka ngaihzawng pawh a ni lo va, ka room-mate satliah mai a ni,” a han ti a. A nu pawh chuan, “Aw, a ni maw, ka hrethiam che u alawm, thalai in ni a, room-mate in ni tih pawh ka hre vek alawm,” a ti a. 

Kar khat vel a lian hnu chuan a thian nu chuan, “Bawiha, i nu lo kal hnu atang khan ka thleng mawi tak silver-a siam kha ka hmu zo ta reng reng lo mai a, i nu hian a lo hawn emaw, a lo la palh emaw te a ni thei ang em aw?,” tiin a rilru a han dek vel a. A mipa chuan, “Ka va ring chiah lo ve aw. Engpawhnise, thil a chian zawk nan ka nu chu lehkha ka han thawn phawt ang a, tichuan thil chu a chiang vek mai ang,” tiin a chhang a. A fapa chuan a nu hnenah hetiang hian lehkha a thawn ta a: 

Ka nu duh tak, 

Hman nia min rawn tlawh a, i hawn leh hnu khan ka thiannu room-a thleng pakhat silver nena siam, a lukham hnuaia a dah thin a awm ta tlat lo mai a. Chu thleng chu i la ka tihna zawng a ni hauh lo. I la lo ka tihna pawh a ni bawk hek lo. Mahse, i haw hnu khan hmuh tur a awm tawh tlat si lo va, hriat thiam har ka ti khawp mai.
 

I duh tak,
I fapa
 

A nu chuan a fapa lehkhathawn a hmuh veleh hetiang hian chhan letna lehkha a thawn ve leh ta a: 

Ka fapa duh tak, 

I thiani nen khan khum khatah in mu dun fo ka tihna chu a ni hauh lo. In mu dun ngai hauh lo ka tihna pawh a ni bawk hek lo. Mahse, i thiani chu a khuma mu ni se chuan a thleng hi a bo hauh lo vang. Zan tin mahni room-a mu si-a, a thleng a bo thei tlat mai hi hriat thiam har ka ti a ni. 

Nangmah hmangaihtu,
I nu

Ref: richard chanter
http://lodgeman-lodgeblog.blogspot.my