Sanghawngsei leh Sihal (Hnehna thuruk)

By: Joseph Saia

Sanghawngsei rualte chu thlaler ram zau taka chaw zawng thin an ni a, an chenna thlalerah chuan sihal koham tak tak bak chu hmelma do tur an nei hran lo. Amaherawhchu, sanghawngseiho tan sihal rual han do chu thil ni thei a ni lo va, han beihlet theih pawh a ni lo. Chu an dinhmun chu an hriat tlat avangin sanghawngseiho hian ral beih dan tha tak mai pakhat an nei a, chu chu, ‘Tlanchhiat’ a ni.
    

Sihalho chuan an ral sawngnghawngseiho an hmuh chuan
theih tawp chhuaha beih nghal mai an duh thin a, sanghawngseiho erawh chuan sihal rual rawn tlan an hmuh ve leh vawi hnih emaw, vawi thum emaw an bu a, an ke an chhir hnuin ballengin hmun hran hranah an tlan chhe thin a.

Sihal rualho chuan ka man thei dah lo maw tiin an chakna zawng zawng hmangin an um a, sangawngseiho pawh theih tawpin an tlan zel a. Sihal an chauh tawh chuan a hma angin an tlan chak thei tawh lo va, chu an chaklohna chu hriain sangawngseiho pawh chu an tlan muang ve zel a, an tlan chak theih loh vang ni lovin sihal dinhmun a zirin an tlan chakin an tlan muang mai zawk a ni. Sihal an chauh tawh hle chuan an ka atangin chil phuan var a rawn tla a, tuihal leh chuahvin an tlu a, a tawpah an thit phah ta hial a, chu chu sangawngseihovin sihal an hneh dan thuruk a ni. 

Sangawnghseiho chuan sihal rualte chu chakna hmangin an hneh a ni lo va, finna leh dawihtheihna hmangin an hneh a ni zawk. Chu hnehna thuruk chu ni tin kan nunah kan hmang thei a, mite hneh theih dan thuruk hi chakna leh thilhtihtheihnaah a innghah vek kher lo va, finna leh dawitheihnaah te a innghah thui hle a ni tih hre rengin he thuruk hi a takin I han hmang teh ang u.