United Nations lo din dan leh inrelbawl dan Part-5

United Nations member ni ve lo ramte

Khawvela ram tam zawk chu United Nations member an ni a, tunah hian dil mek leh membership dil duh miah lo ramte pawh an awm bawk a ni. United Nations member ni ve lo ram thum an awm a, chungte chu Kosovo, Taiwan leh Vatican City/ Holy See-te an ni.

1. Kosovo

Kum 2008, February khan Kosovo chuan Serbia atangin zalenna a puang a, amaherawhchu a ram chhunga buaina chi hrang hrang a la awm fo avangin leh United Nations-in dan a siamte a la zawh famkim theih loh avangin United Nations pawhin member atan a pawm nghal thei mai lo a ni.

2. Taiwan

Kum 1945, October 24 atang khan Taiwan (Republic of China) chuan United Nations a zawm tawh a, nimahsela U.S. leh ram tam zawkten China ram (People’s Republic of China) atanga independence a puan chu an pawmpui mai theih loh avangin kum 1971, October 25, khan United Nations membership atanga thai bovin The People Republic of China (Main Land) chuan a rawn thlak ta a ni.

3. Vatican City/Holy See

Vatican City hi khawvel ram dinchhuah anga din a ni ve hran lova, kum 1929 khan Roman Catholic Kohhran hrauaitu lu ber (Pope ) leh a hnuaia rawngbawltu (papal) mi 771-te chenna atang din a ni. Pope leh papal-te chu Pathian rawngbawl tura inserh hrang an nih ang bawkin khawvel thiltihna eng eng eawm nena inzawmna/inkaihhnawihna neih an duh loh avangin United Nations mai bakah international organization reng reng pawh an zawm lo a ni.

Hriatbelh tur:

1. Antarctica hian sawrkarna mumal tak a la neih loh avangin United Nations chuan member atang a la pawm thei lo a ni.

2. Western Sahara

He thlaler ramah hian political avanga buaina tam tak a chhuah avangin leh awmtu bik political-te duh duha kaihhruai a la nih avangin UN chuan member atan a la pawi thei bawk lo a ni.