'
Motto: "I thu chhiarin a siam che"

Monday, May 5, 2014

Albert Schweitzer (1875-1965)

    
“One thing I know: the only ones among you who will be really happy are those who will have sought and found how to serve.” Albert Schweitzer
“Success is not the key to happiness. Happiness is the key to success. If you love what you are doing, you will be successful.” Albert Schweitzer
A chanchin tlangpui:
 
Albert Schweitzer hi kum zabi 19 laihawl vela Kristian mi ropuite zinga chhiar tel a ni a, Africa rama a rawngbawlna leh Isua nun a taka changtu leh hmangtu a nih avangin mite hriat a hlawh leh zual a ni. Albert Schweitzer-a hi German mi a ni a, theologian, organist, philosopher, physician for Africa tiin an ko thin a ni.
Lutheran kohhran-a rawngbawltu a ni a, Lal Isua hringnun a taka zirtu leh amah chu Isua anga inngaitlawm a, mi dang rawngbawlsak chu a thupui ber a ni. A finna leh thiamna zawng zawng hmangin Africa rama mi retheite a tanpui a, a hun leh nun pumpui chu Africa ram tan a hlan tawp a ni. Schweitzer-a hian piantharna leh chhandamna tlangaupui ai mahin Pathian ram chu a taka a thlen thu a taka lantirin mi dang tana rawngbawl lam a uar zawk mah a, thu hmanga rawngbawl aiin a taka lantira rawngbawl chu a kal dan a ni. Lal Isua nun a taka zirtu a nihna lehkhabu ropui tak “Reverence for Life (Ehrfurcht vor dem Leben Life)” avangin kum 78 mi, Dr. Schweitzer-a chuan 1952 khan khawvela chawimawina sang ber Nobel Peace Prize a dawng nghe nghe a ni.


1893-ah Pathian thu ngawrh takin a zir tan a, 1899-ah khan University of Strasbourg atangin Doctorate in Philosophy a sual chhuak a, amah ngei pawh University of Strasbourg-ah professor hna a thawk a ni.
Africa ramah kum 42 zet rawngbawlin a hun a hmang a, September 4, 1965-ah a rawngbawlna Lambarence Hospital-ah a boral a, tanpui ngaite tanpuiin a hun leh thiamna zawng zawng Africa rama mi retheite tanpui nan a hmang a, Africa ram tan a nun tawp thleng hna a thawk a ni.
Print this post