'
Motto: "I thu chhiarin a siam che"

Saturday, May 30, 2009

News of Lincoln's Death



February 12, 2009


News of Lincoln’s Death Reported in Rare Edition

By Kathryn Wilmot, Newseum curatorial specialist



Near the end of the Civil War on April 14, 1865, President Abraham Lincoln attended the play “Our American Cousin” at Ford’s Theatre in Washington, D.C. At approximately 10:15 p.m., Southern sympathizer John Wilkes Booth stepped into the president’s box and fired one fatal shot to the back of Lincoln’s head.

News of this great tragedy quickly spread via telegraph to newspapers across the country. The New York Herald issued numerous editions on April 15, 1865, informing the public of Lincoln’s rapidly deteriorating condition. Six versions of these editions are part of the Newseum’s collection of historic newspapers, including a rare, four-page “Extra” that told of Lincoln’s demise at 8:45 a.m. — more than an hour earlier than other editions.

The front page of this “Extra” contains a telegram written by Edwin A. Stanton, the secretary of war, to Maj. Gen. John Dix.

“Abraham Lincoln died this morning twenty-two minutes after seven o’clock,” the telegram stated.

This edition of the Herald is currently on display in the News Corporation News History Gallery. A new exhibit on Lincoln’s death, “Manhunt: Chasing Lincoln’s Killer,” is open Feb. 14 through Dec. 2009.

Friday, May 29, 2009

A Mathew Brady portrait of President Abraham Linlcon, February 12, 2009


February 12, 2009

A Mathew Brady portrait of President Abraham Lincoln in 1860. (Library of Congress, Prints & Photographs Division)

During Civil War, Lincoln Sidestepped First Amendment
By Ronald K.L. Collins, First Amendment scholar, Freedom Forum

Once the Civil War began, President Abraham Lincoln allowed his critics — including Northerners opposed to the war, known as "Copperheads" — wide latitude in railing against his policies. Thus, the "Copperhead press" was routinely vitriolic in its protests. And yet, voices of dissent were often tolerated.

There were, however, instances in which Lincoln found it necessary to abridge the First Amendment. While some may criticize Lincoln, none can question the unique and daunting challenges facing him.

Tuesday, May 26, 2009

US leh Technology Hmasawn Zel Dan

Kan chenna khawvel hmasawn zel dan kan thlirin thil pawimawh tak pahnih inkawp tlat a awm a, chungte chu khawvelin infawmmeisawn tha zawk leh zau zawka a mamawhna leh chu a mamawh tiphuisui tura teknawlawziin hma a sawnchhoh zel dante an ni.

Khawvel mihringten kan mamawh em em chu kawmiunikeisawn tha a ni a, chu kan mamawh em em chu Super Power America chuan hma min hruaiin hlawhtlinna kawng min hawnsak ta a, chu a hlawhtlinna chu khawia innghat nge kan tih chuan kum 230 kal taa zalenna an lo sualchhuahah khan a lo innghat daih a ni. Zalenna lo sualchhuaktute khan US Danpui I-na (First Amendment) ah, " America khua leh tui nihna nei hmeichhia emaw mipa emaw reng reng chuan a ngaihdan leh hmuhdante zalen taka sawichhuahthiehna (right) a nei a, chu a ngaihdan leh hmuhdan chu pawlitik lamah pawh zalen taka hmanchhuahpuitheihna (right) a nei bawk a ni,"tiin an lo ziak.

America chuan mipui a ring a, mimal tinte zalenna khawvela lentir a, mahni rilru leh ngaihtuahna hmanga ekawnawmik din leh sawsial lama an hamthatna tur inhaihawntir chu a pawlisi ropui ber a ni. America mipuitena hmuhdan leh ngaihdan tlanglawn tak an neih chu,"Sawrkar chu a awp mipuite hnuaiah a awm tur a ni," tih hi a ni.Chu ngaihdan tlanglawn tak chu vawiin ni thlenga America tihmasawntu leh khawvela darhzau chak ber pawlitikal aidia a ni.

America in satellites a neih hma daih atang khan President Thomas Jefferson-a chuan, "Kan ram inawpna chu mipuite duhdana innghat a nih a vangin chu chu kan vawn zel atana thil pawimawh ber leh tul ber a ni. Chanchinbu awm lova inawpna nge tha zawk a, inawpna awm lova chanchinbu chauh tha zawk tih hi thlang dawn ila chuan a hnuhnung zawk hi ihe lovin ka thlang nghal chawt ang," a ti. Hetianga infawmmeisawn leh kawmiunikeisawn lama zalenna a awm chhung chuan America hian hma a sawnchho zel ang a, dimawkrisi an kalpui dan pawh hi ramtinah a darhzau zel ang tih a rinawm a ni.

Thomas Jefferson-a khan hetianga infawmmeisawn leh kawmiunikeisawn pawimawhzia a lo hmuh chiang em avangin 1948-a Universal Declaration of Human Right Article 19-na ah pawh, " Mitinin mahni hmuhdan leh ngaihdan zalen taka sawitheihna (right) an nei a, chu (right) chu tuma tihbuaitheih leh khapbehtheih a ni lo. Infawmmeisawn leh aidia an hmuh leh dawn reng reng chu nghet taka vawntheihna dan an nei mai ni lovin midia hmangin an thehdarh thei a, an tan ram ri a awm tur a ni lo,"tiin a lo ziak bawk. Chu zalenna chu humhalh that a tulzia sawiin, kum 1977-a America in zalenna a puan tum khan John Adam-an,"Thang leh tharte u, in zalenna humhalh tlat tur hian engangin nge man kan lo pek tih in hriatchian a, in zalenna hi tha taka in hmanthiam ka beisei. In hmangthiam lo a nih erawh chuan ka thawhrah zatve chuah avang pawh hian vanram ka thlen hunah ka la inchhir dawn a ni," tiin a lo ziak hial a ni.

Abraham Lincoln-an saltang chhuah dar a vuak tum khan mi tam tak chu lawm avangin mittui nen an tap a, London-a hnathawkho phei chuan lawmthu sawina lehkha tam tak an thawn nghe nghe a ni. Chung lehkhate a chhanletnaah chuan,"America khua leh tuite hamthatna leh thiltihtheihna chu ropui tak a ni a, mawphurhna inang theuhva la turin vawiinah hian hnehna an puang a ni. He sawrkar chuanga an din zalenna hi engang fa kova nghet nge a ni a, engang chen nge an vawnnun zel theih dawn tih anmahnia fiahna leh chhinna lian tak a ni,"tiin a lo ziak bawk.

America chu khawvela super power a nih ang bawkin hamthatna pawh a nei lian hle a, mahse chu a hamthatna chu a khua leh tuite tan chuahva hman tum lovin ramtinten hmasawnna kawng an zawh a, beiseina sang zawk nena hna an thawh a, hma an lak zel theihna atana hman a tum tlat a ni.

Teknawlawzi lama hmasawnna chuan telifawn, radio leh telivisawn te chuah ni lovin kawmpiutar, microchips, satellites leh fibar optic lam thleng a rawn hringchhuak a, tunah pawh khawvelin telifawn maktaduai 500 chuang a nei tawh a, America mipuite chauh pawhin nikhat chhungin telifawn inbiakna maktaduai 400 vel an hmang tawh a ni. Tunah hian ram 150 chuangin kawmiunikeisawn satellite an hmang thei tawh a, heng zinga a tam zawk chu America atanga semchhuah leh pekchhuah a ni.

America in khawvel hma a hruai zel dawn a nih chuan a zalenna a humhalh that deuh deuh va, private enterprise system hmanga teknawlawzi lama a hmasawnna hi duh tawk mai lovin tun aia zau zawk leh nasa zawka tan a lak a tul a, investment pawh tun aia tam zawka a neih a tul dawn a ni. Chuvangchuan America hian a Article 19-na The Universal Declaration of Human Right hre renga teknawlawzi lama a hmasawnnate hlanin khawvel hi hruai tum se, khawvela a hmingthatna leh zahawmna pawh mitinte thinlungah a nung reng ang a, faktlak a nihna pawh tun aiin a lo parvulmawi ngeiin a rinawm a ni.

Saturday, May 23, 2009

Israel Chanchin Tawi

Israel Chanchin Tawi

Keini ziak leh chhiar zir mekte tan chuan tawi fel ata thu ziah hi awl lo tak mai a ni a, amaherawhchu politic, economic, science, social relationship, healthcare, religion leh IT lama kan hriatnate lo pung zelin ziak leh chhiar lama hma kan sawn chho zel hi kan Zofate tana ka duhsakna sang ber a ni a, chuvangchuan ka hriat leh vei zawngte chu ka rawn mauchang puah pawp pawp mai dawn a ni.
Middle East chanchin ziah tur tam hle mah se tun tum atan chuan Israel ram chanchin tlem chauh ni mai se, Middle East ramten Israel ram an hmuh dante leh tunlai Israel leh Palestine inkara an dinhmunte kan thlirho dawn a ni.

Khawvel ram hruaitute lu tihai bertu chu Middle East buaina hi a nih a rinawm a. Kum 2001 atang khan khawvel buaina a sosang cho hle niin a lang a, Palestine leh Israel inkarah pawh inremna lam aiin buainain hmun a chang tam zawk a ni. US leh Israel in terrorist tia an puh Hamas Movement ten kum 2006-a Gaza an lak hnu phei kha chuan Israel leh Palestine inkarah buaina degree a thleng sang hman hle a. European Union (EU) chuan Israel kaltlangin Palestine ram tan kumtin tanpuina cheng tam tak a pe a, chung sum zawng zawng chu tunah Israel-in a vawnbehsak tlat a, chubakah Gaza leh West Bank-a cheng mihring maktaduaikhat leh a zatvete tana a pek thin electric leh khawnvartuite a tihtawpsak bawk a, Palestine nena an inkalpawhna kawng zawng zawngte pawh a khar vek avangin Palestine refugee-te pawh a ni telin an pung zel a ni.

Iran President Ahmadineijad-a chuan Israel ram hi khawvel map atanga thai bo hmiah tur a ni tiin a puang a, chumai duh tawk lovin, Israel ram chu “ Mitthi ruang” ang lek a ni a tih avangin Israel thinur pawh chuan Syria nuclear Plant a boom chhiat anga Iran nuclear Plant a tihchhiat dan turte entirin Aigupta ramri ah a indo-thlawhtheihnate nen a training mup mup mai a ni. Iran chuan indirect kawng hmangin Lebonon-a Hezbollah-te leh Palestin-a Hamas Movement-te sum leh ralthuamin a tanpui a, kum hmasa lam pawh khan Hezbollah-hote nen pawh an inkap nasa hle a ni. Hamas-ho ten kum 2006 July Ni 12, Ramri Indonaa Israel sipai pahnih Eldad Regev-a leh Ehud Goldwasser-a te an man avangin Ni 34 chhung an inkap bawk a ni.Chu Indonaah chuan Lebonon civil mi 1,200 leh Israel sipai 160 ten an nunna a chan a, July Ni 16,2007 Nilai Ni khan Israel leh Hamas ten lungin tang inthlengna (Prison Exchange)an nei a, an man sipai 2 te ruang chu Israel hnenah an pekir leh a ni.)

Israel leh Palestine te buaina ber nia lang chu Jerusalem khawpui an inchut hi a ni. Israel chuan a khawpui Jerusalem chu “ Undivided, Eternal City” “Thenhrantheihloh chatuan Khawpui” a ti bur mai a, Palestine lah chuan Jerusalem hi ka khawpui tur a ni a ti ve bawk a. Israel lah hi lehlamah chuan lungruh tak mai a ni a, kum 1967 Ni 6Indona(Six Day War)-a a lak Lebonon kuthnuaia Western Wall te, West Bank leh Gaza te, Aigupta rama Sinai thlaler te, Syria rama Golan Heights-te pawh a pekir duh tlat lo. Tun hnai pawh khan West Bank-ah Insak belh leh zel turin project a siam a, White House leh International community-te pawn an dem nasa hle a ni. Hetianga Israel-in dan lo ang taka ram ri a luah belh zel leh Hamas-ho ten silai leh boom te hmanga Israel ram chhung an tawk zel hi Inremna kawng daltu lian ber niin politic analylist-te chuan an hmu a ni. Middle East ramte chuan Israel ram hi buaina chawkthotu bera an ngaih avangin Middle East ram thenkhat phei chuan passport-a Israel seal a awm tawh phawt chuan an ram luh an phal reng reng lo. A hnuaia ramte hian Israel passport vuan emaw Israel seal awm passport nei emaw reng reng chu an rama luh an phal lo hmiah a ni.

1.Oman
2.Saudi Arabia
3.United Arab Emirates (UAE)
4.Yemen
5.Lebonon
6.Jordan
7.Syria
8.Iran

Middle East-a heng ramte hi chuan an khapbeh hran lo.
1)Bahrain
2)Kuwait
3)Qatar
4)Tunisia (Africa ram)

Heng ka tarlan ramte hian Israel ramah Embassy leh Consulate reng reng an nei lo. Ka hre sual lo a nih chuan) Airline Service pawh an nei lo.
By Josephsaia

Friday, May 22, 2009

Zoram Tang Fan Fan

By Tv. Edenthara (Tuivar) 

Zofate hi hnam vanneih kan va han ni teh lul em! Kan tun a sangin kan hmel a tha bawk si. Tum sang na na na chu kan tlakna pawh a la sang zel zawng a ni. Khawvel hmasawnna hian zofate hi kan duai bik hauh lova,eibar zawnna leh zirna lamah,zai leh rimawi lamah pawh nise tu dang kan ngai bik lo. Kan pi leh pu,kan thlahtuten vawin nia Zoram khawvel hi rawn hmu ve in, rawn hre ve se, lawm luat avangin biangah mittui a luangin zai an vawr ve ngei ang. Zoram han tih hian mi tam tak chuan tuna (Aizawl) ringawt khu rilruah kan dah pawh a ni mai thei. Mahse, kei Zoram ka tih ve chu Zo fate awmna,chenna hmun apiang hi Zoram ka tih chu a ni. Zofate hian kan ram han tih ve kel tur a ram leilung zawngin kan nei ve lova,khawchhak lama Chin State leh tuna Mizoram kan tih Zofate hmun pui ber pawh khu India ram chhunga State pakhat ve mai a ni a,ram a tling chuang lo. Mahse, Lalpan Mosia hnenah "In rah chin apiang in ram a ni zel ang" a tih angin keini Zofate pawh kan rah chin apiang hi kan ram atan Lalpan min lo pe hi a lo ni zawk. 

Suangtuahna rama pawh kan hmuh ngai lohna hmunah A kut chakin min hruai thleng zela,chumi rual rualin khawvel parmawina leh hnam dang chetzia hian Zoram hi a chimpil ang tih erawh a va hlauhawm tak em! A mi pekna hmun leh ramah hian eng chi te nge kan kuitiah tih erawh chu hun inher zelin a la par chhuahpui ang chu. Zoram tang fan fan han tih hian a ram chu leilung mai a ni a,tang tur a awm lo. A tang tur ber a chu i thinlung,i ngaihtuahna rilru leh i chakna tha zungzam kha a ni zawk. Zoram chhiatna leh thatna hi keimahniah a awm tih hrereng i la, Daduhi hla, "Mizo tlangval rual chhuanawmte u,intlawm mai dawn em ni,ruihhlo tin reng tawnah, phengphehlep khua a tlai hma ngei hian hara puanven sawichhing a hun Zoram tan"a tih anga, mihrang sahrang hmaa zam ngai lo Chhuihthangvala ruihhlo tawnah i tlawm leh mai si chuan Zoram hi chhantu nei lovin a la boral mai ang. Mi puitlingte hnam nun leh zia intehna bulpui ber chu hmeichhiate nunah hian a ni chawk. Kan inchei duh dan, kan tawqngkam leh chetzia hi miten min thlir reng a ni tih hrereng i la,kan nuna hmuh an tum ber chu kan sakhaw vawn leh hnam nun ze parmawi hi a ni. Chuvang chuan khawi hmunah pawh kal i la hnam nun vawngtu kan ni tih hi hriat a pawimawh tak zet. Hnung zawng ena vawr tha tak mautuai tlawn ang mai a mar tha zaih, hma zawng en erawha lungchhiatthlak tak i nih leh si chuan Zoram hian hma lam aiin hnung lam a pan a ni ang. Chuti a nih chuan vawin nia Zoram khawvel hi hnam dang unauten engang takin hmu ve ang i maw le? 

Hringnun khawvelah hian nungchang kan tih hi a pawimawh ber fova. Thufing chuan " Hausakna chan chu chan lo ang kan ni,hriselna chan pawh tlemte chauh chan kan ni,mahse nungchang ber a chhiat erawh chuan engkim chan kan ni" a ti. Kan hmel leh pumrua hi tha teh viau mahse kan nungchang ber a that loh erawh chuan,sana mawi tak hun vawng dik lo, neitu bum hmang an sawi kan iang viau lo ang maw!!! Tunlai khawvel hmasawnna sang zelah,vawiin ni a Zofate min chawikangtu leh kan ram min zauhtu hi Chanchin Tha a ni kan ti lo thei lo. Chanchin Tha hian malsawmna leh finna a keng tela,mahse a chhiar thiam lotu apiangte tan chhiatna a ni thung. 

I ram thanlenna leh i hnam par mawina Chanchin Tha hi i theihnghilh hun chuan Zoram hi chhantu ngaiin a la rum ngei ang. Kan ram, kan hnam leh kan Christian nun tungdinga a chhe lai siamtha turin nang leh kei hi Lalpan min ruat a ni tih hrerengin khawi hmunah pawh awm mah i la.i ram leh hnam tan tang fan fan ang che. A tawp ber a tan, kan sakhuana leh kan hnam nun hian kan hringnun hi vawng tlat se la, mizo kan ni a kan chettlatna hmun apiang hi zoram a ni kan tih tawh kha. Chuti ni lova,Zonuna hnam dang nun a parchhuah deih chuan Zoram hian chhantu nei lo leh hnemtu ngaiin a la kur ngei ang. Chuvang chuan Zoram tang fan fan ang che,hun a liam hma ngei hian...aw...Zoram tang fan fan!!! Chhiartute Lalpan malsawm mawlh che u rawh se.

Monday, May 18, 2009

THE PIT

A man fell into a pit and couldn't get himself out.
A Subjective person came along and said: "I feel for you, down there".
An Objective person came along and said," It's logical that someone would fall down there."
A Mathematician calculated how he fell into the pit.
A News Repoter wanted the exclusive story on his pit.
A fundamentalist came along and said," You deserve your pit".
An I.R.S asked if he was paying taxes on the pit.
A Self-pitying person came and said," You haven't seen anything until you've seen my pit".
A Charistmatic came and said," Just confess that you're not in a pit".
An Optimist came and said," Things could be worse".
A pessimist came and said," Things will get worse".
Jesus, seeing the man, took him by the hand and lifted him out of the pit.
Unknown

Friday, May 15, 2009

Quotes About Aung San Suu Kyi

"She has in every way possible emulated what her father stood for, which was for the right of the people to govern themselves and to have a free and democratic country. Her stubbornness is her strength."
— Josef Silverstein, a Burma expert at Rutgers University. (New York Times, June 19, 2005)

"We unequivocally condemn this attempt by the junta to cloak its continued detention of Suu Kyi in a veil of legitimacy."
— Jared Genser, an attorney for Suu Kyi. (Bloomberg, May 14, 2009)

"Suu Kyi's struggle is one of the most extraordinary examples of civil courage in Asia in recent decades."
-Norwegian Nobel Committee, 1991

Quotes from Aung San Suu Kyi

"I don't believe in people just hoping. We work for what we want. I always say that one has no right to hope without endeavor, so we work to try and bring about the situation that is necessary for the country."
—TIME, Nov. 15, 1999

"It is not power that corrupts but fear. Fear of losing power corrupts those who wield it and fear of the scourge of power corrupts those who are subject to it."
—From her book, "Freedom From Fear," published in 1991

"The concept of driving somebody out of their own country is totally unacceptable to me. They have tried to pressure me to leave the country in ways that no self-respecting Government should try."
—New York Times, Feb. 15, 1994

"Whatever they do to me, that's between them and me; I can take it. What's more important is what they are doing to the country."
—New York Times, Feb. 15, 1994

"I think corporations should give more attention to this suffering and should wait to invest until there is a responsible government in Burma. I do not think it is a good idea to separate economics from politics; in fact, I do not think economics can be separated from politics."
—The Progressive, March 1997

Thursday, May 14, 2009

Zirna lama kan Tuivar khawtlang dinhmun

Hre famkim lo hle mah ila, ka hriat chhun chhunte sawmkhawmin kan nau zawkten zirna lama kan Tuivar dinhmunte an hriatchian a, kan u zawkten famkim leh zau zawka an rawn chhui beiseiin he article hi ka rawn buatsaih a ni. Kum 1984-85 vel kha ni ta in ka hria. Naupang mai ni mah ila, Pingkhone lama kan u te rual sikul kal rawn chhukthla dum dum hi ka lo thlir reng thin a, engvanga mi khuaa va zir nge an nih erawh ka lo ngaihtuah ngai lem lo. Chunglaichuan kan Tuivar khawtlangin Primary sikul chauh kan la nei hi a lo ni a, Pingkhone khuaah erawh Middle sikul an lo nei deih tawh a ni. Kan khawtlang dinhmunin Middle sikul neih a la tlin loh avangin primary level zirchhuakte paw'n zirchhunzawmna hmun remchang an neih loh avangin leh thenkhat harsakna avangin sikul an chhuahsan nasa hle a. Mi tlem zawk erawh chu phur lo leh hreh tak chungin Pingkhone lamah an zuk zir a, chunglai chuan khua leh inpawngnekna, inteirukna thinlungte a la awm avangin a then phei chuan hmunsit an lo tawk a, sikul an chhuahsan leh nual bawk a ni. Chung boruak kara zuk zir chhunzawm ka hriat chhunte chu, Pastor Lalzawngliana, Tv.Lalrengliana(Parenga, Fam) Pu Kapkima, Pu Zamkima, Pu Remruata (Mizoram pemta) te an ni mai a, hmeichhe lam phei chu Nunvari tih loh hriat dang ka nei lo. 

Heng mite hi rualkhat chhuak middle sikul kan neih hmaa Pingkhone khuaa zuk zir ka hriat chhunte an ni. An hma hian Pu Suiluaia, Pu Chithanga, Pu Lalringa, Pu Lalrinliana te rualkhat ni leh in ka hria a, ka hriatchian chiah loh avangin chhuizui tawh lo mai ila. Kum 1987 khan pawl 4 zirzo mi 30 vel lai kan awm a, Pingkhone lam beisei tawh lovin Kawlpui St. Mary sikul lam kan beisei zawk a. Chunglai chuan tun ang hian kawngte a la awm mumal lova, tawlailir kawng mai a la nih avangin saikal (cycle) nena kal thei pawh kan la awm lo. Sikul naupang zawng zawngte chu ke-in kan kal dia dial thin a,kum 1988 sikul hawn a rawn ni chhova, fur anih avangin kawngtluanin ipte leh puanfen khaikangin tui kan dai phei thin a, Sanpiah khua pelh chiah phei khi chuan saihlit lian pui pui a tam khawp a, hmeichhe rualho phei chu an rak leh thawt thin. 

Chutianga harsa taka thla 2 kan kal hnu chuan Rampum Buaina(Student Union Revolution) a lo chhuak a, chumi avang chuan zirna leh ei bar zawnna lamah mi a nghawr nasa hle a, sikul naupang tam zawk chuan chunzawm beisei tawh lovin, mahni thawhtheih zawng zawngte dapin a then Aizawl lamah a then leileh lamah chutiang chuan kan darh pheuh pheuh zo vek ta a ni. Kum 1989 ah sikul hawn a rawn ni leh a, sikul naupang tam zawk ten min chuahsan tak avngin a bang chhun tlem chuah kan awm tawh a, chung zinga ka hriatte chu Zaliankima, Ralliantawna, Zakhuma, U Luni, Bialfangzaui, leh Ramhmuaki te an kan ni. (Kum1988 rampum buai hmaa St. Mary sikula kal ka hriat chunte chu Hrangtinkapa(Hrangkapa) Zirthanga, Patea leh tun hmaa vengchhak lama awm Hmari nau mipa (a hming ka hriat loh) te an ni. Paawl 6 kum 1 ka zir hnu chuan Ralliantawna, Zaliankima leh Zakhuma ten min chhuahsan leh ta a, ka kum 2-na ah chuan Chawngthangan mi rawn umpha ta a, pawl 7 kum 1 ka zir hnuin a ni paw'n min chhuahsan leh ta a, pawl 7 ka kum 2-na ah erawh chuan Zabiakthanga, Laldingliana, Sangzama, Dinpuia, Lalsangliana, Zaawmi, Mabawihi, Manuni, Nunhlimi, C Thathangi ten min rawn rual leh ta a, kan hnuai deuhvah Parthani, Thanchhingi, Edeni, Lawmsangi te rualkhat an awm a, an hnuai leh deuhvah chuan Lallianenga leh Vanlalsawma te an awm leh bawk a, kan vai chaun mi 30 dawn lai kan nih ka ring. 

Kum 1996 khan matric zirlai ka chhuahsan fel ta a, India lama Baibul zirna ka chhuzawm nghal avangin 1997 hnu lama kan hmasawn zel dan te erawh chu hriat ka nei tawh lo. ( He article hi a tawi thei ang ber tura ka buatsaih a ni a, hming ka telh hmaih te leh kan hmasawn zel dan a dawt a dawta ka tarlan dan dik chiah lo te a lo awm a nih pawhin min ngaihthiam a, dik leh famkim zawka hriaten in rawn tarlan ka beisei.He article-ah hian Tahan leh khua danga va zir sikul naupangte ka hriat loh avangin an hming ka telh lo bawk). 

Wednesday, May 13, 2009

Zirna leh Kan Khawtlang

Zirna tih thumal hian a huam zau em em mai a, chik taka kan zir chuan kan nun pumpui hi a huam vek a ni. Mi tam tak chuan sikul runa kan zirlaite tha taka zir hi zirna emaw kan ti mai a, mahse zirna dik tak erawh chu sikul runah a tawp mai lova, sikul runah a bul kan tan chauh zawk a ni. Sap thufing pakhat chuan," Teaching ends in the school, but education ends only when you go the grave." a ti a, a awmzia chu," Inzirtirna kan tih chu sikul runah a tawp mai a, zirna dik tak erawh chu thlan i thleln hunah chauh a tawp ang," tihna a ni.Chuvang chuan zirna kan tih hian pass mark tha hmu a,degree lak chauh te a kawk mai lova, chutiang chauh beisei a, zir fan fante chu mi khawngaihthlakawm ngawih ngawihte an ni. Zirna dik tak chuan kan nitin nun khawsak dan tur te, mite nena tluang taka kan indawrtawn theih dan tur te, rilru leh taksa lama hrisel taka kan awm theih dan tur te, a chhia leh a tha kan hriathran theih dan tur te, awmzia nei taka nun kan hmanthiam dan tur te, nu leh pa, u leh nau, chhung leh khat, khawtlang leh kohhran, ram leh hnam tana kan mawmhphurhna hlen dan tur te a huam tel vek a ni. Zirna hriat tum lova, mite ngaihsan leh sum leh pai hauhsakna tur chuah ngaihtuah a, kan nun leh hun tha kan hman chhung chuan kan nun pawn nun hlimna thuruk a hmuchhuak thei tak tak dawn lo a ni.Chuvang chuan zirna dik tak hria a, awmzia nei leh mumal nei taka kan nun kan hmantheim theih nan community-a kan mawhphurhna hi a bik takin kan zirho dawn a ni.
Khawtlang(Community) tih hian kan pian leh murna .mai a kawk lova, kan ram leh hnam, kan mihringpuite a huam tel vek a ni tih hre hmasa ila.

Tuesday, May 12, 2009

Ka Dawn Thin Thinlairukah


Vawikhat chu ka kawmchhakpa in," Mihring kan bo pawhin hman nihna a bo chuang lova, tawng kan bo erawh chuan hnam pumpui kan bo der a nia," a ti a, ka ngaihtuah vang vang a, thil dik tak leh pawimawh ber a sawi niin ka hria. Hnam nihna leh nunphung humhalh hi thil pawimawh tak mai a ni a, enganga humhalh tur nge a ni tih hriatchian hi a pawimawh leh zual. Sap thufing pakhat chuan," Declination of literature is declination of a nation," a ti a," Ziak leh chhiar lama hmasawnlohna hi hnam hmasawnlohna bul a ni e," a tihna a ni. He thu hi ihe lova kan pawm dawn a nih chuan kan nihna leh nunphung humhawlhna tura hmanrua tha ber leh pawimawh ber chu ziak leh chhiar lama kan dinhmun tihhmasawn zel hi a ni tih a chiang. Hemi kawnga thahnem kan ngai lo a nih chuan kan hnam pumpui pawh a bo thei a ni tih kan hriat reng a tul.

Ziak leh chhiar lama kan dinhmun leh hnam dangte dinhmun kan khaikhin chuan kan dinhmun a la hniam hle a, chuvangchuan kan kepen tawh dante thlilrletin hmasawnna rahbi kan rah zel dan turte uluk leh chik taka kan ngaihtuah a pawimawh. Zoram Zofate chuan Kawlram Zofate min khum nasa hle a, a chhan sawi tur tam tak a awm. A bik takin Kawlram Zofate chuan thal sikul tihlohah chuan kan Mizo ziak leh chhiar zirna hun tha kan nei lova, chubakah kan nu leh paten ziak leh chhiar hi kan hnam damna leh hmasawnna a ni tih chiang taka an hriat loh avangin, "KA" level ka pass hi chuan an lungawi ve mai zel a, hei hi kan hmasawnlohna bul ber pakhat chu a ni. Hun a lo rei a, mahnia inhaihawngthei dinhmun kan thlen hnu pawhin kan bul tanna lungrem a lo that tawk loh avangin ziak leh chhiar lamah pawh kan tui pha tak tak thei lova, lehkhabu ngainatna pawh kan tlachham telh telh mai a ni.

Khualzinna Khawvel

Aw Lalpa, he khawvel hi ka khualzinna ram a ni tih min hriat nawn tir fo la, hawleh tur ka nih avangin awmdan min zirtir ang che.

Ka cham chhungin mikhual duhawm tak ka nih theih nan duhamna lakah min thiar fihlim la, midang tan malsawmna ni turin thilphal min zirtir ang che.

Dam chhung mi hmuak apiang i tirh nise, natna leh lungngaihna hian i hmel min hmuhtirin damna leh hriselna hi I thilthlawnpek a ni tih min hriattir fo ang che.

Thihna hi nun nei tura kailawn a nih avangin nung tura ka thihtheih nan ka duhthlannate nei la, hlim taka ka lo haw theih nan sual laka pen bona lakah min chelh tlat ang che.

Ka Zinna Kawng Chhukchho

Kum 1999 June thla tantir kha a ni a, Kalay Phaiah pawh ruahtui a tam ve tawh hle a, leilet paho pawh an chakkhai dap vela an tul lai tak a ni. Yangon-a kan sikul thar hawn tur a nih avangin a rang thei ang bera Yangon lam chhuk a tul a, Kalay- Mandalay Bus Express ticket vel ka tihfel hnu chuan Bus Station-ah thianten min thlah a, bus a chhuah hma chuan ka chuanpui turte thlirkual pahin Mizo nula pakhat tal an tel dah lo maw tihin ka mit ka han lenkual vel a, Mizo nula an nih leh nih loh ka hriatchian loh nula nalh tak tak pathumte chu ka mitin a tawk ta chaih mai a, eng mi nge an nih a, eng ti tura chhuk ve nge an ni tih chu ka hriat chak ber a ni.

Kawngtluana ka ei tur hmawmsawmte ka lei hnu chuan thiante nen, "Mangtha aw, dam takin le," tiin kan inthlah fel ta a. Bus chhung ka lut chuan ka thawmhnawte ka han rem fel a, chutia ka buai nak nak lai chuan ka hriat chak em em nula pathumte pawh chu an rawn lut ve nghal a, beisei ang ngei maiin ka hma zawn tak mai seat-ah chuan an thhuho ta a,ka rilru te te in, "In va han nalh hlawm tak ve aw," ka ti reuh reuh va, ka hriat loh chhungin ka thinphu pawh normal aiin a lo rang deuh hman niin ka hria. Kan kalchhuah hma chuan,"Lalpa tluang taka Yangon ka thlentheih nan kawngtlaunin min hruai ang che," tiin rilru tawngtaina ka hmang ta a. Kalaymyo kan chhuahsan hma atangin ka thutpui nula pathumte chuan ka rilru an luahkhat tlat a, an tawngkam chhuak leh awm dante chu rilruin a chang khiau mai a, han biak chawt mai chu ka chak hle na a, hmel hriat loh nula han biak mai la chu thil mawi niin ka hri si lo, hun remchang a awm em ang chu tiin ka inhnem ta a.

India-Myanmar Fellowship Road siam hma a nih avangin kawng a la tha lo hle a, Kalaymyo kan chhuahsan fel hnu lawk chuan vanduaithlak takin Chikung khua thlang lawka dum thuk tak maiah chuan kan motor a tang ta a, rei tak an buaipui hnu pawha a chhuah lawk theih loh avangin motor dang tam tak pawh a zam phah a, passenger-ho pawh a chhuk a chhovin kan phe mer mer mai a ni. Chaw leh tui zuar an awm loh avangin a rang thei ang bera Kalaywah chhuk tur chuan rem kan ruat ta a. Kalaywah atanga Pin Ta Run rawn zawhchho lawng pakhat remchang a awm hlauh mai a, chu lawng chu kan chuangthla ta a. June thla ruahtui mai chuan Chindwin Luipui a tikhat zo rih lova, tui luang pawh a la chak tha hle a ni. Pin Ta Run phei chu tlangsang tak tak atanga tui rawn inhlawmkhawm an nih avangin a chak leh zual a, hmun thenkhatah phei chuan tuizangkhauh te, tuilivir te leh tuisuar kan tih ang te hi a awm nual a, accident awm em lovin hlau leh khur chung chuan Kalaywah chu kan zuk thlengthla ta hram a.

Kalaywah-a fuankhawm passenger-ho zawng zawng chu hotel tinah kan darh nuai mai a, a then Chindwin ral lehlama Kawl nula nalh tak mai awmna Beer dawr ti tawkte leh kei chu Sabuhti awmna Taung Za Lat ngei ngei te tawkte pawh kan awm nual a, kei erawh chu zawn ruk leh vei ruk nei tlat ka nih avangin riah hmun tur pawh thlang lawk thei lo chuan ka rilru a insual nasa hle a, a tawpah chuan beiseina sang tak nen riah man tlawm zawkah chuan ka sipai mal mut ta a. Zing khua a lo var chu kan motor pawh a lo chhuak fel tawh mai ni lovin Chindwin Luipui ral lehlamah lawngpuiin a lo phur kai fel diam tawh a, zing chaw kan ei fel hnu chuan passenger-ho zawng zawng kan lawn leh a, Maha Miang kawng chhukchho tak maiah chaun kan tlanthla leh ta a. Dar kar thum vel tluang taka kan tlan hnu chuan kawng tinal tawk chiahin ruah a rawn tla ser ser a, kawng chhuk lamah phei chuan nui hmel hmuh tur pawh kan awm tawh lo niin ka hria. Awihchho kan han lawn chiah chu kan motor a slip nghal a, a tan nasat pauh leh a tawlh nasa ting mai si a, conductor-ho ten motor tyre-a thirkhaidiat an veh vek chung pawhin awmzia reng a nei lo. Chaw lo tui lova kawng laka han riah chu thil ni thei a nih loh avangin a theih ang anga khua pakhat tal ban tur chuan mel 2 zet chu ruahsur karah kan kal diah diah a, ka hriat chak em em nula pathumte pawh chuan an slipper-te phelhin an pen ve hlawk hlawk a.

Chutia kan kal lai tak chuan ka rilruah, "Khualzinna ram khawvelah hian chatuan khawpui kan pan laiin," tih hla hi a rawn lang hlawl mai a, kal pah chuan ka rilruin ka sa phei zel a. Vanneihthlak takin in sawm vel awmna khua pakhat chu ka thlang ta a, hotel leh riahbuk awmna khua a nih loh avangin, "Kan chaw in ei chuan puan leh riah hmun kan buatsaihsak thei ang che u," an lo ti zel a, duhthlangthei kan nih tak loh avangin nula pathumte nen chuan kan thlengho ta a. Ruahsur kara lo kal kan nih avangin kan thawmhnaw huh te chu kan han thlak a, in neitu nu chaw chhum nghah pah chuan, good time kan nei ta a," Khawia awm nge in nih a, engti tura chhuk venge in nih? In tawng hman hi vawikhat mah ka la hre ngai lova, eng tawg nge ni?" tiin hawihhawm takin ka hriat duhte chu ka zawk a, "Tahan a awm kan ni a, Lumbawng mi kan ni. Thailand ram Chiang Mai-a Baibul sikul kal kan ni a, Mai Su lam pam tura kal kan ni. Naktuk tlai lam dar hniha Mandalay Airport atanga thlawk tur kan ni a, ticket pawh booking sa diam tawh a ni. Kan khelh loh phei chuan cheng tam tak kan seng thlawn dawn a ni,"tiin an kal dan turte leh an hmanhmawh thu te chu kimchang takin min hrilh a. Chutia kan ti ti melh melh lai chuan in tek nu pawhin chaw ei a lo hman fel der mai a, vawksa tui tak nen chuan kan ei ta a. Nula nalh tak takte nena chaw han ei chu nuam ka ti hle mai a, ka emotion erawh a normal chiah lo ni berin ka hria.

Chaw kan kham fel hnu chuan pawn lamah coffee ruai kan kilho leh nghal a, hun remchang dang kan nei leh tawh dawn lo tih ka hriat avangin kan khualzina kawng chhukchhova kan thiltawnte chu ti ti nuamah tihian ka sawi ta a:- Kalaymyo Bus Station kan chhuahsan hma atang khan mimal taka hriat che u ka chak hle a, sumdawng mi nge in nih college naupang tih hriat ka chak hle che u a ni. In chezia leh in chei vel dan ka hmuh atangin mi naran mai in ni lo tih a chiang a, mahse ruahsur kara kan kal laia in ke no tak maiin dum a han daipil thawk thawk mai ka hmuh kha chuan ka rilru te te in, " An duhthlan chu a ni bik hauh lovang le," ka lo ti a, ka rilru hre phei ula chuan in nui nasa hle in ka ring. Naktukah tluang taka Mandalay kan thlen chuan nangni thlawhna in chuang ang a, vawina chawn var no lang khawpa in dum dai hi chu in ngai lo mai thei a ni. Mahse thlawhna in chuan hnua in theihnghilh loh atana ka duh pakhat chu, 'He nihnih chhunga kan thiltawnte hi kan nitin nun atana entirna tha tak mai a ni. He kan khuazinna khawvelah hian a changin lungngaihna leh beidawnnate tawkin chuau leh rumin kan awm thin a, mahse hengte hi kan mikhualte mai an ni a, kumkhuain kan hnenah an awm reng dawn lo. Zingkhua a lo var ang a, an mahni hmunah an kirleh mai dawn.. Harsatna leh mangannate hi ruahsur hmaa chhumpui leh khuavar hmaa thim chhah tak ang mai chuah an ni. Keini pawh hetiang hian beidawng leh hrehawmin kan awm reng dawn lo. Naktukah nangni thlawhna in chuang ang a, keipawh rail ka chuang dawn a ni. Famkim lohna kahwvela cheng kan nih avangin kan duh a famkim thei ngai dawn lo. Lungaihna leh mangannate hi kan duh emaw duh lo emaw kan tawn turte an ni a, a thlir dan leh hmachhawn dan kan thiam a tul tak zet a ni.Chuvangchuan Pathian Thu inzirna hmunah pawh harsatna in tawk zel ang.Mahse he lei ram hi kan ram a ni lova, kan khualzina ram mai a ni tih in hmuhfiah hun apiangah engkim hi tawrhna leh channaah in ruat thiam ang a, in nunah hlimna leh lawmna par mawi tak a lo parchuak dawn a ni," tia ka sawi zawh chuan sana ka han en a, dar 11 lai a lo ni ta der mai a, mut zai ka rel ta a.

Zing khua a lo var chuan kan motor pawh kan riahna khuaah a lo thleng fel diam tawh a, zing thingpui kan in zawh chuan Mandalay chu kan panthla ta a, harsatna dang engmah awm tawh lo chuan Mandalay chu zing dar 12 velah kan thleng ta a. Bungrua leh thawmhnaw vel kan tihfel hnu chuan an zinga upa deuh ber chuan Sap tawngin, "Thank you very much, brother Joseph. See you and God bless you," min ti a, kei pawh chuan," Welcome, I miss you all.Hope to see you again. And keep in mind a brief story of our journey, it's our life story. And don't forget this: Life's not all what you want, but all you have.," tia inthlahna thu tawi ka sawi zawh chuan,"See you, Bye Bye," tiin kan in thlirliam vawng vawng ta a.
Bookmark and Share


Ka Ngaihhlut ber Nu Hna

By: Nl. Lalkhumthangi

Khawvela ka ngaihhlut leh ngaihsan ber chu NU hi a ni. Khawvel finna lama hming thang berte aiin nu mawlmang tak, fate tana nun inpe zo tak hi a ngaihsanawm zawkin ka hria. Chuvangin, NU la nih hma hian “am” takin nu mawhphurhna rilruin a vei em em thinte chu kan thailang ve mai mai teh ang. Chhiar tlak ni ve tak ang maw? Tunlai zofa hmeichhiate hian pasal neih loh kan hlau nge? Kum naupang te te hian pasal kan nei mawlh mawlh mai thin hi, i ngaihtuah ve ngai em? A then phei chu pasal a nei tih pawh hriat hma hma hian; an lo then fel lehdiam tawh a. Hmeichhe tan inneihna hi a ni ngawt mai lova, HNA a ni.

Pasal kan neih dawn chuan hna ropui tak thawk tur kan ni a. “Kan pasal tan leh kan fate tan nu nih kan tling a ngem?” ti a, rilru inbuatsaih fel diam hnua neih chauh hi a tunlai deuh. Rilru inpeih fel mang si lova, Nu hna thawk ve ngawttu chuan nakin lawkah fate fahrah leh chhungkaw hremhmun a din mai ang tih hi a hlauhawm a. Fate fahrah leh chhungkaw hremhmun din ai chuan; chhungkaw din lova len tar hmiah hi a ngaihsanawm zawkin ka hria. Khawvela thil mawi leh hlu ber chu hmeichhiate hi kan ni a. Khawvel ti chhetu pawh hmeichhia bawk kan ni. Hmeichhiate hian kan nihna leh Pathian min siam chhan hi chhut ngun ila. Khawvel ti eng tur hian Pathian hian min duh a ni. Chuvangin, kan awm dan leh kan nungchang hi mite chhiartlak nithei tura kan inbuatsaih a ngai a. Nungchang hi ro a ni. Hausakna ripui ber a ni. A bik takin hmeichhia incheina mawi ber a ni. Hmel thatna chu rei lo te hlimna thlentirtu a ni a, nungchang tha chu dam chhunga lungawina thlentu a nih bakah a chenpuite tan thlamuanna a thlen thin. Bible-ah, “Duhsakna hi bumna a ni a. Hmelthatna pawh engmah lo a ni. Lalpa tihtu hmeichhia erawh fak a ni ang(Thufing31: 30),” tih ziak kan hmu. Pathian pawhin hmeichhe khawsak tha chu a ngaisak thin ang hian; mipate pawh hian hmeichhe nungchang thate chu an ngaihsak thin.

Kan nu leh pate huangah hian thlamuang takin kan khawsa thin a. Kan nu leh pate pawh hian min thlahlel hle thin. Amaherawhchu, pasal kan neih hian kan pasalte chhungin min ngaipawimawh lo mai thei a. Hei vang tak hian nu leh pa huanga kan awm lai hian; nu ni tura lo inbuatsaih ruk ran mai tur. Rilru lam zirmite chuan, “Mipa mamawh bulpui ber chu hmeichhe duhawm, pasalte “Amen”-pui thiam leh pasalte Ngaisang thiam mite hi an ni e”, an ti. Hmeichhiate chuan hmangaihna kan mamawh hmasa a, mipate chuan kan ngaihsanna hi an mawmawh hmasa thung. He kan danglamna tak hi kan hriatthiam a tha hle ang. Chuti nilova an thu kan hnial fo emaw, kan thua awmtir kan tum emaw anih fo chuan a rukin an rilru kan hliamsak fo thin a ni. Kan hriat loh hlan hian kan lak ata hla takah an lo per bo daih thei a ni.

 Pasal kan neih hian kan pasalte chu an tlangval lai pawha mi tawrh mawh tak a ni tih hrereng chuanga kan nei lui anih chuan; an thuhnuaia kan intuk luh hi hmeichhe hna a ni. Kan chhungril tak chuan hrehawmin harsa ti hle mah ila kan sa himna a ni. Anmahniah hian fakna tur awm thlawt lo mahse dawhthei takin kan tan an pawimawh zia leh an hlutzia thu hi kan hrilh fo chuan, lo tihtauh a, sawisel fo ai chuan kan siam tha zawkin a rinawm. Hmeichhiate chu inchhung boruak siamtute kan ni a. Chhungkaw ti nuamtu leh ti hlimtu pawh kan ni thei. Lungngaihnaa hnuk thlatu pawh anih theih bawk. Hla phuah thiam Pu Rokunga chuan Chhungtin khai dingtu ber chu Chunnemi a ti mathlawm lovin, chhungkaw tan chuan nu berte hi an pawimawh tak meuh meuh a ni. Fate enkawltu ber an nih bakah chhungkua leh nupa inkara inlaichinna pawh siam tha thei bertu kan ni. Chuvangin, pasal kan neih chuan kan pasalte tan leh kan fate tan innghahna tlak kan nih a tul a, dawhthiehna leh ngilneihna hian kan thinlunhah hmun a chang reng tur a ni. Chhungkuaa nu ber a hlim viau chuan a pasal leh a fate pawh an hlim thin. An nitin awm dan tur atan nu ber chu an entawn a ni si a. Nu phunchiar leh an-hrat tak inchhung chu hremhmun note a ni. Mrs. Donna-i chuan thlanlunga thu inziak chu a chhiar a, chu chu, Ani chu kan chhungkua tan eng a ni tih ziak hi a ni. Mrs. Danna-i chuan a rilruin Kei hi lo thi ta i la. Khatiang thu kha chu ka thlanlungah chuan an ziak lo hmel hle a ti a. Chumi ni, chumi darkar ngei chuan an chhungkaw tan ENG nih chu a tum ta ran mai a ni. Keini pawh Mrs. Donna-i ang hian kan chhungkuaah ENG nih i tum theuh ang u hmiang.













Bookmark and Share