Firefox Browser Version Beta 4.0 a rawn chhuak leh ta e!!

Firefox Browser Version Beta 4.0 a rawn chhuak leh ta e!! Internet hmag zinga mi tam zawkte chuan Internet Explorer aiin Firefox browser hi an duh a, a chhan chu Firebox browser-ah hian Add-On a awm vang a ni. August 24 khan Firefox Browser 4.0 tihchhuah a ni a, he version tharin hna a thawh dan leh a hman dan tlangpuite kan sawiho leh dawn a ni. He Firefox browser tharin hna  a thawh dan mak tak mai chu Internet kan hman laia Tab tam tak kan hawnte kha kan duh duh danin kan remkhawm vek thei tawh a, kan duhna hmunah kan sawn kual vek thei tawh a ni. Video file kan en duh a nih pawhin tun hma aia nalh leh fiah zawkin a en thei tawh a, a hnathawh dan pawh a hmasa ai khan a rang zawk daih a ni. A danglamna pakhat leh chu tunah hian Add-on dang dah belh leh a ni a, Add-on hnathawh dan chu browser kan khar tawh pawh kha kan ennawn leh duh a nih pawhin hawn nawn leh kher ngai lovin kan hmang leh nghal mai thei bawk a ni. He Version Firefox Beta 4.0 hi i hmang duh a nih chuan www.mozilla.com ah i lut ang a, tichuan What’s Happening at Mozilla? –ah khan I kal leh ang a, tichuan The Firefox 4 Beta is Here!  -ah khan i luh leh zel ang a, tichuan Download-na tur i hmu ang a, tichuan i Download hnuah I hmang thei nghal tawh dawn a ni. A hmang dan i thiam vek duh a, iI hrechiang duh a nih pawhin khami page-ah khan ching takin chhiar la, tichuan direction a pek dan che khan i ti zel ang a, tangkai takin i hmangthiam taw hang.  

Print this post