By: Joseph Saia
Kum 2015 khan Aung Sân Suu Kyî-in chawimawina leh lâwmman a dawn chanchin ka post tawh a. Mahse, khati hun lai khân kim taka chhui theih a la nih loh avângin ṭun ṭumah hian kim zâwk leh zau zâwkin ka rawn târ lang leh dâwn a ni.
Khawvêl hmeichhe piang tawhah chuan Suu Kyî-i tluka khawvêlin a ngaihsân leh a chawimawi natsat hi an tam lo hle ang. International huapa chawimawina leh lâwmman a dawn ringawt pawh hi 150 dâwn lai a ni a, khawvêl mi ropuite zîngah pawh amah anga chawimawina leh lâwmman dawng hnem hi an la awm ngai lo tih theih a ni.
Kum 20 dâwn lai hreh beh a nih chhûng khân lehkha ṭhahnem tak a ziak a. A lehkhabu ziah zînga a lâr deuhte chu Letters from Burma, Freedom from Fear, The Voice of Hope te an ni. Hêng a lehkhabu ziah avângte leh mihring chanvo dikna sual chhuak tûra a hma lâknate avâng hian khawvêla chawimawina hlu ber pathum Nobel Peace Prize te, United States Presidential Medal Award leh Congressional Gold Medal Award te a lo dawng tawh a, khawvêl mi ropuite zînga lâwmman dawng hnem ber pâwl a ni hial a ni. A chunga kan sawi tâk khawvêl chawimawina hlu ber chi thum dawngtu hi mi 8 an awm tawh a, chûng mite chu George Washington, Martin Luther King Jr., Nelson Mendala, The Dalai Lama, Winston Churchill, Pope John Paul II leh Mother Teresa-i te an ni.
Aung Sân Suu Kyî-i hian khawvêl ram hrang hrang aṭangin chawimawina leh lâwmman (International Awards, Honors & Appointment) ṭhahnem tak a dawng a, a dawn dân leh a dawn chhan a kip a kawia târ lan sen a nih loh avângin a lâwmman dawn hmingte leh a dawnna hmun leh ramte chauh a dawt dawtin lo târ lang ila:
Daw Aung Sân Suu Kyî
International Awards, Honors & Appointments
(1990-2017)
No comments:
Post a Comment
I ngaih dân han thawh ve rawh le....