India chuan vanlawng (missile rocket) hlawhtling takin a kapchhuak ve ta

April 19 khan India chuan hlawhtling takin vanlawng Agni V an tih chu a kapchhuak a, hei vanlawng hian nuclear ralthuam tone 1 zet a phur thei a, China leh Asia ram zawng zawng chu a kap thleng thei vek dawn a ni. He vanlawng hi a hming atan Agni V tih a ni a, Hindi leh Sanskrit tawnga a awmzia chu “Mei alh, mei ling” tihna a ni.

A sei lam meter 17.5 a ni a, a rih lam hi tone 50 zet a ni bawk, US $ maktaduai 480 vel senga an siam a ni a. April 19, zing dar 8:05 am khan India ram Orissa atangin an kapchhuak a, km 5,000 chuang zet a kaptheih avangin Defence Minister A.K. Antony-a chuan tun tom hi India missile program-a kan hlawhtlin ber tum avangin missile technology lama India hlawhtlinna hi khawvel pum chuan a hre tawh dawn a ni tih a sawi a.

Km. 5,000-8,000 kap thleng thei missilehi United Nation Permanent ram 5- China, US, Russia, France leh Britain chuahin an la nei thei a, India pawh hian missile technology lama a hmasawnna chu lantir a tum hle a ni. Mithiam chhut dan chuan Israel pawhin km 5,000 chuang kalthei missile hi a ruka a neih an ring a, mahse Israel ralthuam thuruk hi mithiamte pawhin an hre tat tak thei rih lo chu a ni.

Print this post