History of Mizo-Israel

Mizote hi Israel thlah kan ni tak tak em? Mizote leh Israel hnam peng pakhat kan ni tak tak em??? Dr. T. Sholomon D.D. ziak hi chhiar ve ngei ang che. He lehkhabu hi kum 1974-a chhuah a ni a, Digital Library of India atanga lak chhuah  a ni.

+

 Download Here>>>>> History of Mizo Israel- By: Dr. T. Sholomon D.D.

Hlawhtlinna Thuruk

Mi hlawhtling nih i duh em? I duh chuan V.L. Zaikima M.A. (Social Work) ziah hi i lo chhiar ve ngei dawn nia. He lehkhabua hlawhtlinna thuruk awmte hi a taka hlawkpui turin hai chhuak rawh le. 

Download Here >>>>>> Hlawhtlinna Thuruk (By: Zaikima, M.A.)

Pi Pute Tawngkauchhe

Upa C. Saizawna, Headmaster of Serkawng, ziak 'Pi Pute Tawngkauchhe' tih hi Mizo tawng a bo lohna tura buatsaih a ni ber a, a chhungah hian Mizo tawng un leh hmalai kan pi pute tawng dik tak hmuh tur a awm a, chhiar a, kawl that a, vawng reng tlat tak takte an ni. 

Download duh tan >>>>>Click rawh>>>>>Pi Pute Tawngkauchheh

Catacomb Martarte (Mizo Version PDF)

'Catacomb Martarte' tih bu, Upa Chawngzika buatsaih hi a ngaihnawm mai ni lovin a bengvarthlak bakah tunlai huna ringtute fuih theitu lehkhabu tha tak a ni. 

Download duhte tan >>>> Catacomb Martarte-By: Upa Chawngzika

Burma Presbyterian Kohhran Chanchin

Burma Presbyterian kohhran chanchin, Rev. Dr. L.R. Bawla, M. Th. kutchhuak hlu tak chhiar i duh chuan a hnuaia Link-ah hian download hmasa la, ngun takin i chhiar dawn nia...

Hetah hian download rawh le>>>>>> Burma Presbyterian Kohhran Chanchin

Rev. Richard Wurmbrand-a chanchin tawi

By Joseph Saia

“God will judge us not according to how much we endured, but how much we could love.” (Richard Wurmbrand)

Damlai Martar (The Living Martyr) tia an koh thin Rev. Richard Wurmbrand-a hi a pianna Rumania rama Evangelical rawngbawltu (Minister) niin Communist awp behna hnuaiah tihduh dahna tuarin kum 14 chhung zet lung inah a tang a; Rumania ramah chuan Kristian hruaitu, zirtirtu leh lehkha ziaktu tia hriat lar a ni. Amah hi Juda thlah a ni a, pa inngaitlawm leh ngilnei tak a ni bawk. Nazi-ho leh Russian Communist-hovin Rumania an awp lai khan lei hnuai kohhran dinin nasa takin rawng a bawl a, Krista avanga nghaisak leh tihduhdah nasa tak tuar a nih avangin a hming pawh a thang hle a ni.
 

Kohhran Thurin (2015 Puitling SS Zirlai Bu)

Kum 2015 Mizoram Presbyterian Kohhran buatsaih, Puitling Sunday School zirlai bu chu PDF-a chhiar theih turin an rawn dah a, kohhran hruaitute leh member zawng zawngte chungah kan lawm hle. He lehkhabuah hian Kohhran chanchin leh thurin kim chang tak tarlan a ni a, a buatsaihtu Rev. C. Lalsangliana B.D., M.Th. kutchhuak hlu tak hi download la, ngun takin i lo zir ve dawn nia.

Hetah hian Download rawh le>>>>> Puitling SS Zirlai- 2015- Kohhran Thurin

Kohhran hmasa chanchin (A.D. 1- A.D. 500)

By: Rev. Lalchhuanliana 

Kohhran hmasa chanchin kim chang leh ngaihnawm tak chhiar i duh chuan Rev. Lalchhuanliana ziak hi chhiar ngei ang che. He lehkhabuah hian Kristian hmasate hun laia Kohhran Pate chanchin leh Kristiante tuarna tam tak tarlan a ni a, chhiar a nuamin hriat tur pawh a tam hle. A.D. 1 atanga A.D 500 inkara Kristiante chanchin hian tunlai Kristiante hi min cho nasa hle a ni.

Download duhte tan >>>>> Kohhran hmasa chanchin (A.D. 1- A.D. 500) 

 

Sazuk leh Chinghne

Nikhat chu sazuk la hian hnim a lo pet melh melh a. Chutia hnim a peh melh melh lai chuan a ma ei tum Chinghne pakhat a lo kal a. Sazuk chuan a hmuh ve leh a ke a ti na der ta a. A kianga Chinghne a rawn thlen chuan, Sazuk chu a han en vang vang a, “Zuka enga ti nge I ke chu ni?” tiin a zawt a. Tichuan, Zuka chuan, “Huan hungna dai sang tak mai ka zuankhalen a, chutah chuan vanduai thlak takin hlingin ka ke a lo chhun a, chu hling chu ka ke ah hian a la tang reng a. Kei hi min ei a nih chuan chu hling chu I pum chhungah a tang ve ang a, tichuan nang pawh I thi ve dawn a ni. Chuvangchuan ka ke-a hling awm hi min lakchhuak hmasa la, tichuan min ei dawn nia" tiin fing takin thu a thiam ta a.

Tichuan, Chinghne chu Zuka bumna thangah inawkin zuka ke-a hling awm chu ngun takin a han bih vang vang a, chutia uluk taka a bih lai tak chuan Zuka chuan a ke-in a hmai a han chhir vak a, beisei ang ngein a ha zawng zawng a chhuih balsak ta a. Chuveleh, Chinghne pawh chu lungchhe takin tihian a tawngchhuak ta a;

“Ka fel loh man keimahin a rah ka seng a nih hi!!! Ka pa in sa seh dan leh man dan min zirtir a, ka pa zilh loh anga thil ka tih avangin a mawh chu ka chungah a tla ta a ni hi!!” Mahni tih loh tur thila inrawlh lo turin ka pa in min lo zirtir a sin maw le aw!! a ti vawng vawng a.

McDonald’s leh Mr. Han Ding Guo

Kum 1970 hma lam kha chuan US company lar tak McDonald’s Corporation hian ram zau tak a la valh thei bik lo va, mite hriat a la hlawh loh avang leh mi thiam staff a la neih tam tawk loh vang pawh a ni ngei ang. Heti hun lai atang hian US McDonald’s chuan Taiwan khawpuia a company ramri zauh belh a duh hle mai a. Chutichuan ram chhung atangin senior executive turte inthlangin hma an han la tan a; mahse, harsatna lian tak mai an tawk nghal a. Chu an harsatna chu eng dang ni lovin ram pawn atanga hnathawktute la lut turin visa atan cheng tam tak sen a lo tul a, chumi avang chuan a ram chhung ngeia thawktute lak chu an duhthlan tur awm chhun a lo ni ta a; mahse, he hna thawk tura a ram chhung mi thiam takte lak mai tur an la awm meuh si lo hi a ni. 

McDonald’s in “Vacancy” tia a puangzar chu Taiwan mipuite chuan an ngaihven hle mai a. Nikhat chu Han Ding Guo an tih tleirawl hmel fel tak hian chu hna chu a va dil ve a. Tichuan an Chairman chuan interview a lo siam nghal ta mai a. Han-a beisei loh deuhvin chairman chuan, “Ek-in sil rawh, ti ta che se la, he hna hi I thawk duh dawn em?” tiin a zawt ta chawt mai a. Chhan ngaihna hre lova a ding reng lai chuan Han-a nupui chuan, “E, ka pu, ek-in zawng  zawng chu kan in-ah pawh nitin a sil thin alawm!” a lo ti a, chu thu chuan chairman chu a tihlim hle mai a, Han Ding Gua-chu hnathawktu atan a la nghal a ni. 

Solfa Zir Dan Bu

Kum 1955-a Pu Muka leh Pi Zaii te buatsaih Solfa Zir Dan Bu chhiar tur a awm e. PFD-a siam a ni a, a kawl tha duhte tan pawh awlsam taka download theih a ni.

Hetah hian download rawh>>>>> Solfa Zir Dan Bu

Esopa Thawnthu Fingte

Kum 1977-a The Synod Bookroom, Aizawl-in a tihchhuah Esopa Thawnthu Fing (Aesop Fables) lehkhabu tha tak chhiar tur ka rawn chhawp chhuak e. PDF Format a ni a, Indian Digital Library atanga ka rawn thur chhuah a ni e. 

Hetah hian Download rawh >>>> Click Rawh le