Burma ramah Ymail a hman ve theih dawn ta e

Burma ramah Ymail a hman ve theih dawn ta e Burma rama Telecommunication lian ber Yatanarpon National Web Portal chuan Burma rama Ymail leh Ytalk  lunch a nih tur thu  September 6 khan Yangon khawpui Sakura Tower-a meeting an neih tumah an puangchhuah a ni tiin Burma Telecommunication Department-a Senior Engineer U Zaw Mint Oo-a chuan a sawi a. He Ymail leh Ytalk hi Gmail leh Gtalk anga hman theih tur a ni a, mail hawn pawh a awlsam phah hle dawn a ni. He Ymail leh Ytalk hi tun September thla tawp atanga hman theih beisei a ni a, Ymail User mi pakhat tan hian Data Store-na 200MB a awm thei dawn a, Gmail erawh a tluak chiah thei dawn lo a ni. Gmail a chhuah tantirh khan Gmail Account nei tawhte chuahvin mi dang tan Account an siamsak thei a, mahse a hnuah chuan mitinin mahni Account an siam theih nan Google chuan hma a la zel a, Data Store theihna pawh 3058 MB thleng a rawn dah ta a ni. Tun tuma Burma ramin Ymail a lunch tur hi Malaysia Tele Company lian tak IP Tel Group leh Burma rama company lian Inforithm-Maze Ltd., Computing & Multimedia leh Creative Webstudio-te thawhhona atanga an buaisaih tur a ni tiin U Zaw Mint Oo-a chuan a sawi bawk. Burma ram chhunga lehkha inthawn duhte tan pawh ram pawn atanga an siam Server hman tul tawh lovin ram chhunga server hman mai theih a ni tawh dawn a, Internet Bandwidth kan lo hmante pawh hi a zatve lai a lo thlakhniam phah dawn a, Internet Connection a lo tha lo a nih pawhin he Server hmang hian ram chhungah chuan awlsam takin kan hmang zel thei dawn a, “Ka connection a tha lo” kan tih thin kha a awm tawh dawn lo a ni. Burma rama Gmail User mi pakhatin Ymail a hman chuan International Bandwidth a titlem phah thei ang a, amaherawhchu ram danga awm Gamil User-te erawh Gmail aia tha bikna a neih hran loh chuan he Ymail hi an hman duh kher a rinawm loh a ni.

Fackbook User-te tan Fun Page List a zawn theih ta e

   

Fackbook User-te tan Fun Page List a zawn theih ta e Khawvela Social Network lian ber pawl Facebook-ah hian Official takta an siam thar Fan Page List awlsam taka zawn theihna website pakhat din belh leh a nih thu thlem ka han hrilh ang che u. Fan Page List-ah hian khawvela mi ropuite, company lian ber berte, NGO te leh Sport & Singer thiam tak takte awlsam taka zawn theih dan a awm a, Facebook User-ten mahni duh zawng (Fan Page) awlsam taka an hmuh theih a, an duh leh chung club leh group-ah an tel ve theihna tura buaisaih a ni deuh ber mai. He Fan Page-ah hian zaithiam, sport lama mi thiam bikte, politician te, TV Program mak tak tak leh Game chi hrang hrang a zawn theih a, he Fan Page hi a lian ber atanga a te ber thlenga rem a nih avangin zawngtute tan thil a awlsam em em a ni. Heng Fan Page thenkhatah hian Twitter Account-te pawh tarlan a ni nual a, a duhte chuan Twitter-ah a follow theih reng bawk a ni. Fan Page tlawh duhte tan Registration kher tul lova en mai theih a ni a, he a hnuaia link-ah hian in lo en ve mai dawn nia. 

www.fanpagelist.com

Gmail Message atang thlalak mawi tak tak thawn dan

  

Gmail Message atang thlalak mawi tak tak thawn dan Gmail hmantu mi tam zawkte chuan kan thiante message kan thawnin thlalakte pawh attach file hmangin kan thawn thin a, tun tumah hian message leh thlalak thawnkawp dan ka han hrilh ang che u. Kan hriat tawh pawh a ni mai thei a, Gmail hmanga message I thawn chuan I thawn tel duh thlalak kha attach kher lovin I message chhungah khan mawi taka lantir dan a awm a, thlem I han siam ang a, tichuan mawi takin mail I thawn thin tawh dawn nia. Hetianga message I thawn duh a nih chuan Compose mail-ah I kal ang a, tichuan Editing Bar chungah khan Insert Image tih Tab atang khan I duh mi thlalak kha I dah lut thei a ni. I Gmail Munu Bar chhunga Tab I hmu lo a nih chuan Setting-ah I kal ang a, Labs-ah I lut leh ang a, tichuan Insert Image tih I hmuh chuan Enable i ti leh ang a, tichuan Save Change I ti leh dawn nia. Setting I tih zawh chuan Compose mail –ah i kal leh ang a, Text Pane chungah khan Bold type, Italic tih sir lawkah khan Tab a awm ang a, khata khan Insert Image tih I hmu ang a, khata tang khan I duh duh lem mawi tak tak i thawn tel zel thei tawh dawn a ni. Han tichhin la, I thiante hnenah mail mawi tak takin message han thawn teh le!!!!!!!!

Malaysia rama Burma hnathawkte tan Work Permit Kumkhat tihpun belh leh a ni

Malaysia rama Burma hnathawkte tan Work Permit Kumkhat tihpun belh leh a ni Malaysia rama Burma hnathawk zawng zawngte tan Work Permit kumkhat tihpun belh leh a ni a, hetianga Malaysia-in Work Permit a pekbelh chhan ni bera lang chu kumtin mithiam tam tak a chan zel vang a ni. Burma hnathawkte tan hian Work permit kum 5 a ni thin a, he dan hi kum tam tam an lo hman tawh a ni. Tunah chuan kum 1 tihpun belh leh avangin Work Permit hi kum 6 a ni tawh dawn a, hnathawktute tan leh Company neitute tan pawh thil tha tak a ni. Malaysia ramah hian Burma mi hnathawk an tam ber a, chung hnathawktute chu kum a lo rei chuan hna thiam tak takte an lo ni a, kum 5 hnua an haw leh zel si chuan company tan chhiatna nasa tak a thleng thei a, chuvang chuan Malaysia sorkar hian tunah kum 1 a tihpun belh leh ta niin thlirtute chuan an sawi. Malaysia-a Burma hnathawktute chuan harsatna rapthlak tak tak an la tawng mek zel a, hlawh chungchangah leh khawsak dan kawngah pawh harsatna nasa tak an hmachhawn zel a ni.