By Thangmawia
San Chaung
Yangon
Thuhmahruai Zofate hian kan tawngah sap tawng kan seng lut nasa em em a, tawngkam then khat phei chu kan pianpui tawngkam ang maiin kan hmang a. Sap tawng “vision” tih pawh hi pianpui tawng ang maiin kan hmang tawh a, “Engnge i vision?” tiin ka inzawt ta fova mai a ni. Mi tam zawk chuan a awmzia sawifiah ngai miah lovin he zawhna hi kan hre thiam thei nghal awm e. Vision tih tawngkam hian awmzia a nei nual a. J. F. Laldailova chuan vision awmzia chu ti hian a hrilhfiah a: mit kawhhmuh, thil hmuh, inlarna, mitthla, leh hun thlir lawk thiamna tih te a ni. Tun tuma kan sawi tum ber chu hun thlir lawk thiamna lam pang a ni ang.
Chiang deuh hleka kan sawi dawn chuan ‘Hruaitu Vision’ awmzia chu hruaituin a hmalam huna lo awm ngei tur emaw, lo thleng ngei tura a thlir leh a beisei thil tiin a hrilhfiah theih awm e. Vision chi li Kan thupui kawhhmuhtum kan hriatchian theih nan leadership lama mithiam Robert D. Dale-a hrilhfiahna hi han bih leh lawk i la. Robert D. Dale-a chuan vision chi li a awm a ti a. Chungte chu:
1. Vision tawi (Myopic Vision):
Mi then khat chuan vision an nei tlachham thei hle a, hmalam hun an thlir ngai meuh lo. Hmalam hun atan an inbuatsaihin an khawsa ngai lova, vawiin atan chauh an nung thin. An vision chu a fiah lo em em a, hmalam an thlir pawhin an hnar ngul chin chauh an hmu thei a. Heng mite hian hun kal taa miten rim taka an hlawhchhuah hlawhtlinna te chu an zirchiang ngai lova, an haider tlat thin.
2. Vision sir (Peripheral Vision): Mi then khat chuan vision an nei ve meuh mai. Mahse, harsatna (hlawhtlinna lam tluang an zawh laia an ke chheh ti buai thei) tam tak an mit sirin a hmuh ve kiau avangin huai tak leh tlang takin hma lam an thlirin an pen hlei thei lova. Heng mite rilru hi a buai fo thin a ni.
3. Vision zim (Tunnel Vision): Mi then khat chu an hawi zimin, khua an thlir zim em em a, an hmaa thil awm chauh an hmu thin. An vision chu dik ber leh tha berah an ngai a. An vision-ah chauh innghatin hmalam an pan a, an kawnga lo kal vete chu pawisa miah lovin an chil nawk nawk mai thin.
4. Vision zau (Panoramic Vision): Mi then khat chuan engkim zau tak leh thui takin an thlir thin a, tun hun (vawin ni) atan chauh an nung ve ngai lo. An hma zawna thil awmte leh lo awm zel turte, an sira thil awmte leh lo awm zel turte chu chiang takin an hmu a. “Vision nei hruaitu kan mamawh,” tia kohhran mipui tam takin an sawi thin chu hetiang mite hi an ni. Hruaitu leh vision Vision a awm chauhvin leadership hi a intan thin a.
Thufing 29:18 pawhin, “Vision a awm loh chuan mipuite an tladah thin,” (KJV) a lo ti a ni. Hruaitu dik leh tha chuan vision a nei thin a. Chutiang hruaitu chuan a vision chu a ngai pawimawh hle a. Hun rei tak chhung a vision chu a chhun a zanin a ngaihtuah keuh keuh va, zanah pawh a mangphan hial thin. Tin, a vision chu a hre chiang a, a vision hre thiam thei tur leh tihlawhtling turin a thawhpuite chu chiangtakin a hrilh hria a, a chawk phur (motivate) thin. Hruaitu vision chu mahni chauhva zirbing a, hna thawk thin Scientist vision nen a inpersan hle a.
Hruaitu vision chuan hruaitu leh a thawhpuite thiltum, thiltih mekte leh hmalam huna a huhova an tih zel tur lam a kawk bik a ni. Tin, hruaitu hnathawh that leh that loh chu ‘engtiang khawpin nge a vision chuan a huamzau va, a ropui’ tihah a innghat deuh ber. Entir nan, Singapore Prime Minister Lee Kuan Yew-a chuan a ram mai ni lo Asia chhimchak ram tam tak nghawng danglam thei khawpa ropui vision a nei a. Kum 30 vel kal taa Singapore Prime Minister a nih khan, ni khat chu Lee Kuan Yew-a chuan hmun awl zau tak chu kawk kualin, “He hmunaah hian khawpui ropui tak kan din ang a ti a.” Tichuan, a sawi angin hma a han la ta a.
1. Vision tawi (Myopic Vision):
Mi then khat chuan vision an nei tlachham thei hle a, hmalam hun an thlir ngai meuh lo. Hmalam hun atan an inbuatsaihin an khawsa ngai lova, vawiin atan chauh an nung thin. An vision chu a fiah lo em em a, hmalam an thlir pawhin an hnar ngul chin chauh an hmu thei a. Heng mite hian hun kal taa miten rim taka an hlawhchhuah hlawhtlinna te chu an zirchiang ngai lova, an haider tlat thin.
2. Vision sir (Peripheral Vision): Mi then khat chuan vision an nei ve meuh mai. Mahse, harsatna (hlawhtlinna lam tluang an zawh laia an ke chheh ti buai thei) tam tak an mit sirin a hmuh ve kiau avangin huai tak leh tlang takin hma lam an thlirin an pen hlei thei lova. Heng mite rilru hi a buai fo thin a ni.
3. Vision zim (Tunnel Vision): Mi then khat chu an hawi zimin, khua an thlir zim em em a, an hmaa thil awm chauh an hmu thin. An vision chu dik ber leh tha berah an ngai a. An vision-ah chauh innghatin hmalam an pan a, an kawnga lo kal vete chu pawisa miah lovin an chil nawk nawk mai thin.
4. Vision zau (Panoramic Vision): Mi then khat chuan engkim zau tak leh thui takin an thlir thin a, tun hun (vawin ni) atan chauh an nung ve ngai lo. An hma zawna thil awmte leh lo awm zel turte, an sira thil awmte leh lo awm zel turte chu chiang takin an hmu a. “Vision nei hruaitu kan mamawh,” tia kohhran mipui tam takin an sawi thin chu hetiang mite hi an ni. Hruaitu leh vision Vision a awm chauhvin leadership hi a intan thin a.
Thufing 29:18 pawhin, “Vision a awm loh chuan mipuite an tladah thin,” (KJV) a lo ti a ni. Hruaitu dik leh tha chuan vision a nei thin a. Chutiang hruaitu chuan a vision chu a ngai pawimawh hle a. Hun rei tak chhung a vision chu a chhun a zanin a ngaihtuah keuh keuh va, zanah pawh a mangphan hial thin. Tin, a vision chu a hre chiang a, a vision hre thiam thei tur leh tihlawhtling turin a thawhpuite chu chiangtakin a hrilh hria a, a chawk phur (motivate) thin. Hruaitu vision chu mahni chauhva zirbing a, hna thawk thin Scientist vision nen a inpersan hle a.
Hruaitu vision chuan hruaitu leh a thawhpuite thiltum, thiltih mekte leh hmalam huna a huhova an tih zel tur lam a kawk bik a ni. Tin, hruaitu hnathawh that leh that loh chu ‘engtiang khawpin nge a vision chuan a huamzau va, a ropui’ tihah a innghat deuh ber. Entir nan, Singapore Prime Minister Lee Kuan Yew-a chuan a ram mai ni lo Asia chhimchak ram tam tak nghawng danglam thei khawpa ropui vision a nei a. Kum 30 vel kal taa Singapore Prime Minister a nih khan, ni khat chu Lee Kuan Yew-a chuan hmun awl zau tak chu kawk kualin, “He hmunaah hian khawpui ropui tak kan din ang a ti a.” Tichuan, a sawi angin hma a han la ta a.
Tunah chuan Singapore chu khawvel sumdawnna hmun pui, building ropui tak tak leh inkalpawhna changkang tak taka din a lo ni ta a; chubakah Singapore chu mi mit la em em khawpui hring dup, ram nuam leh mawi tak a lo ni ta a ni. Hruaitu vision pawimawhna Vision hi Pathian thilpek a nih avangin kohhran rawngbawlna-ah pawh a pawimawh tak meuh meuh va. Pathianin hruaitute mawhphurhna lian tak tak a pek a, an mahni hmanga a mite a hruai dan leh a thiltum a tihhlawhtlin dan pawh Bible-a vision nei hruaitu ropui tak takte nun atangin kan zir thei awm e. Hruaitu ropui Mosia, Joshua, Davida leh midangte hian vision an nei theuh va, chumi tihlawhtling tura an mawhphurhna pawh an hre chiang hle. Tin, vision chu hruaituin a rilruaa a vei em em, tipuitling ngei tura a duhthusam a ni. Chu vision chuan amah a tithathovin a chawkphur a. Chubakah amah chauh ni lovin, a kaihhruai mipui emaw, company emaw, organization te chu harsatna paltlang a, hmalam pan thei turin a tanpui bawk thin. Vision nei lo hruaitu kut hnuaia awm organization te chuan ni tin a ngai leh a ngai ringawt an thawh thin avangin hma an sawn tur angin an sawn thei lova, an hlawhtling tak tak thei hek lo; rei lo teah an hnathawh an ning thuai thin. Hruaitu tha vision nei erawh chuan ngaihdan danglam deuh intlansiakna khawvelin a rawn herchhuah puite chu an hmang thiam em em a, an organization chu a lo hlawhtling thin a ni.
Hruaitu vision hlawhtlina
Vision chu inkaihhruaina (leadership) bulphum a nih avangin a pawimawh hle. Mahse, chu vision tihhlawtlin chu thil awl lo tak a ni. A chang phei chuan kan vision chu chetsual palha chhiat mai theihna a nih avangin a hlauhawm a; chutiang chhiatna pawh huama kan tih ve a ngai a ni. Hlawhchham (failure) an hlauh avangin hruaitu tam tak chuan an vision angin hma an la ngam thin lo. Hruaitu chuan hlawtlin a duh tak tak chuan chutiang hlauhna chu a sukiang ngam tur a ni. Dik tak chuan, mitin hian hlauhna kan nei theuh va. Mahse, hruaitu tha chu chung hlauhna leh harsatnate avangin a zam ve ngai lo. Hruaitu chuan amah chauhvin a vision a tihlawhtling thei lova. Kan sawi tak ang khan a vision chu a thawhpuite a hrilh hria ang a. An vision-ah an chiang ta maw tihah an thiltum tihhlawhtlin dan tur kawng an dap ho vang a, tih tak zetin an hna an thawk ho dawn a ni. Harsatna pawh a huhovin an hmachawn ang a, an hnaah rinawm takin an intu lut dawn a ni. Barna Research Group-a president mawhphurhna rei tak lo chelh tawh George Barna chuan vision tihhlawhtlin dan chung changah ti hian a sawi:
• Kohhran mipuiten vision chu an hre ngei tur a ni
• Kohhran mipuite hriatah vision chu chiang taka sawifiah a, puanchhuah tur a ni
• Kohhran mipuiten vision chu an pawm ngei tur a ni
• Kohhran chuan a vision a taka tihlawhtling turin bul a tan ang a,
• Kohhran chuan a vision tihlawhtling turin rilru sei takin hna a thawk tur a ni.
Hruaitu vision hlawhtlina
Vision chu inkaihhruaina (leadership) bulphum a nih avangin a pawimawh hle. Mahse, chu vision tihhlawtlin chu thil awl lo tak a ni. A chang phei chuan kan vision chu chetsual palha chhiat mai theihna a nih avangin a hlauhawm a; chutiang chhiatna pawh huama kan tih ve a ngai a ni. Hlawhchham (failure) an hlauh avangin hruaitu tam tak chuan an vision angin hma an la ngam thin lo. Hruaitu chuan hlawtlin a duh tak tak chuan chutiang hlauhna chu a sukiang ngam tur a ni. Dik tak chuan, mitin hian hlauhna kan nei theuh va. Mahse, hruaitu tha chu chung hlauhna leh harsatnate avangin a zam ve ngai lo. Hruaitu chuan amah chauhvin a vision a tihlawhtling thei lova. Kan sawi tak ang khan a vision chu a thawhpuite a hrilh hria ang a. An vision-ah an chiang ta maw tihah an thiltum tihhlawhtlin dan tur kawng an dap ho vang a, tih tak zetin an hna an thawk ho dawn a ni. Harsatna pawh a huhovin an hmachawn ang a, an hnaah rinawm takin an intu lut dawn a ni. Barna Research Group-a president mawhphurhna rei tak lo chelh tawh George Barna chuan vision tihhlawhtlin dan chung changah ti hian a sawi:
• Kohhran mipuiten vision chu an hre ngei tur a ni
• Kohhran mipuite hriatah vision chu chiang taka sawifiah a, puanchhuah tur a ni
• Kohhran mipuiten vision chu an pawm ngei tur a ni
• Kohhran chuan a vision a taka tihlawhtling turin bul a tan ang a,
• Kohhran chuan a vision tihlawhtling turin rilru sei takin hna a thawk tur a ni.
Tlangkawmna
Mihringte hi a huhova cheng leh hna thawkho tura Pathian siam kan ni a. Chuvangin tantlan a, thawhho hi hlawhtlinna rahbi pawimawh tak a ni reng a ni. Kan hnathawhah kan hlawhtlin a, hma kan sawn theih nan then khatin hruaitu nihna an chelh a ngai a; chung hruaitute chuan vision tha leh huangzau tak an neih a ngai bawk. Chubakah an kaihhruai mipuite nen an vision tihlawhtling turin lungrual taka hna thawh dan an thiam tur a ni. Isua Krista kha hruaitu ropui tak a ni. Vision a nei tha hle a, a thiltum leh a tih tur pawh a hre chiang hle bawk. Mahse, engkim amah chauhvin a ti ngai lo. A vision ber “Pathian ram din” chu puitlin turin vantlang (community) thar a din te te a. Mi sawmpahnih leh mi tam tak zirtirah a siam a. Chung a zirtirte chu a vision hrethiam thei turin uluk takin a zirtirin, a kaihhruai a. A thih hnuah pawh, chung a zirtirte rawngbawlna avanga amah ringtute chuan vawiin ni thlengin Isua vision chu an tihlawhtling a, an la tihlawhtling zel dawn a ni. Hruaitu tha chuan vision a nei ngei thin a, a vision tihlawhtling turin thiam takin a thawhpuite a hruai thin a ni. Tin, hmalam hun dawn reng chungin hruaitu thar chher dan a thiam em em a; chung hruaitu tharte pawh vision tha neithei turin theihthawp chhuahin a tanpui bawk thin a ni.
Mihringte hi a huhova cheng leh hna thawkho tura Pathian siam kan ni a. Chuvangin tantlan a, thawhho hi hlawhtlinna rahbi pawimawh tak a ni reng a ni. Kan hnathawhah kan hlawhtlin a, hma kan sawn theih nan then khatin hruaitu nihna an chelh a ngai a; chung hruaitute chuan vision tha leh huangzau tak an neih a ngai bawk. Chubakah an kaihhruai mipuite nen an vision tihlawhtling turin lungrual taka hna thawh dan an thiam tur a ni. Isua Krista kha hruaitu ropui tak a ni. Vision a nei tha hle a, a thiltum leh a tih tur pawh a hre chiang hle bawk. Mahse, engkim amah chauhvin a ti ngai lo. A vision ber “Pathian ram din” chu puitlin turin vantlang (community) thar a din te te a. Mi sawmpahnih leh mi tam tak zirtirah a siam a. Chung a zirtirte chu a vision hrethiam thei turin uluk takin a zirtirin, a kaihhruai a. A thih hnuah pawh, chung a zirtirte rawngbawlna avanga amah ringtute chuan vawiin ni thlengin Isua vision chu an tihlawhtling a, an la tihlawhtling zel dawn a ni. Hruaitu tha chuan vision a nei ngei thin a, a vision tihlawhtling turin thiam takin a thawhpuite a hruai thin a ni. Tin, hmalam hun dawn reng chungin hruaitu thar chher dan a thiam em em a; chung hruaitu tharte pawh vision tha neithei turin theihthawp chhuahin a tanpui bawk thin a ni.
Bibliography
Barna, Geroge. Marketing the Church: What They Have Never Taught You About Church Growth. Colorado: Navpress, 1988.
Barna, Geroge. Marketing the Church: What They Have Never Taught You About Church Growth. Colorado: Navpress, 1988.
Dale, Robert D. Leading Edge: Leadership Strategies from the New Testament. Nashville: Abingdon Press, 1996.
Dale, Robert D. Pastoral Leadership: Reserve Book for Effective Congregational Leadership. Nashville: Abingdon Press, 1986.
Haggai, John Edmund. Lead On! Singapore: Kobrey Press, 1986.
Haggai, John Edmund. Lead On! Singapore: Kobrey Press, 1986.
J. F. Laldailova. “Vision.” English-Lushai Dictionary. Guwahati: Bhargova Offset, 1969.
Siraj, Zaibun. Managing Oneself: Footprints to Success. Translated by Chit Naing. Yangon: Lin Lin Literature, 2007. “Leadership and Vision.” http://www.findarticles.com/p/articles/mi_m1038/is_nl_v37/ai_14922906/pg_1 (26 July 2007).
No comments:
Post a Comment
I ngaih dân han thawh ve rawh le....