1. Myanmar polpular singers: Chit Thu Wai, Naw Naw leh L Sai Zi-i te chuan tun November 1 hian Thailand ram ri kianga Mai Sot khawpuiah concert an nei ang a, a en man atan ticket (yu yu) pakhatah baht pawisa 60-80 a ni ang a, (special) ticket erawh chu baht 200 a ni dawn a ni. Mai Sot-ah hian Burma mi tam tak an khawsa a, a tam zawk chu sawrkawr phal loh sumdawnna leh sawrkar phal loh hna a ruka thawkte an ni.
2. November 7 hian Myanmar model leh actress lar tak Eain Da Kyaw Zin-i chuan America tlawh a tum a, hemi rual hian a nu pawh a hruai tel ve dawn a ni. Eain Da Kyaw Zin-i hian America-ah thlakhat vel hun a va hmang ang a, chumi chhung chuan a fan-te hma hlasakna ropui tak a buaisaih ang a, interview-te pawh a awm nual dawn a ni. Eain Da Kyaw Zin-i hian America a la tlawh ngai loh avangin a hun tam ber chu Shopping nan hman a tum a ni awm e.
3. November 16-19 thleng khan Yangon President Hall (Tahmadaw Cinema hall) puiah South Korean Movie Festival hman a ni a, Full House (Chit San Eing) tih flim-a changtu nu Lee Young Eun-i pawh te ve a, Burma rama Korea movie fans-te chuan an lo kut kawiin an lo chibai nasa hle ni tur a ni. Ka tel ve lo chu pawi tak a ni e!!
4. July Ni 23 khan Chin mi zinga actress lar Thet Mon Mint-i chuan a kum 27 birthday a hmang zo ta a, amaherawhchu tun tuma a BD a hman dan chu a dangdai hle a ni. Thiantha thenkhatte leh Myanmar celebrity leh journalist lama mi pawimawh tak takte pawh sawm hran lovin FMI Monestry-a nun-hote hnenah lawmna entir nan thilpek thenkhatte a va pe a ni awm e. A sawi dan chuan, "Zan ka hmangah Mobile King Cake dawr atangin mi pakhat hian cake tui tak mai mi rawn pe a, chu cake chu chem te in ka lo zei vel," tiin a sawi bawk. Kan hnung lawk khan Video an lak/siam tumin a hmaiah hliam a tawk tih thu chu Thitsa Journal chuan a tarlang a. Hetianga hliam a tawh chan chu indona hmuna silai muleng vel kara a tlan vang nia hriat a ni a, indona hmuna video an siam/lak lai takin silaimu perin a hmai a fuh palh hlauh mai a, sipai pakhat pawh meiin a kang tiin sipai thawk mek an director Tin Than Oo-a chuan a sawi.
5. Myanmar model leh actress nalh tak, saihmarthur ang maia mawngbawr pianthiam Nan Da Hlaing-i chuan fanu duhawm tak a nei fel tawh a, chhungkua tan hun tak tak hmang mah se Art khawvel ka chhuahsan mai mai dawn lo tih a sawi a, Hlaing Production-ah hian kumkuain ka awm reng dawn a ni a ti. Nan Da Hlaing-i hi a thu ta hle tih hriat a ni a, tunah hian a body weight tihtlem tumin tan a la mek a, Mya Yeik Nyo Hotel-ah administration hna a thawk mek tih hriat a ni
6. Miss Thailand 2000,Khun Panadda Wongpoodee-i chuan Myanmar Wedding Fashion Dresses Design hmanginYangon khawpuiah calendar photos a siam a, Make-up and Designer-tu chu Toe Toe a ni e.
7. Chit Kaung, Zaw Paing, Rzarni, Thazin-i Lazy Club-te chuan Washington DC-ah September 13, 2009 thleng khan an concert vawithumna chu an chhunzawm a ni awm e.
8. Myanmar actress lar tak Soe Myat Thuzar-i chuan a pasal U Myo Min-a nena inthenna an siam fel thu chu mipui hriatah chanchinbu kaltlangin a puang a, heng mi chungchangah hian a pasal pawhin rem a tithlap a ni tih hriat a ni bawk.Mite sawi dan chuan a pasal U Myo Min-a hi US lama khawsa a ni a, chumi chhung chuan Soe Myat Thuzar-i leh Kyaw Ye Aung te hi a rukin an lo inzui ni awm tak ni tur a ni. Chu chanchin chu a pasal U Myo Min-an a hriatin a pawmthei tawh lo a nih an ring.
9. Myanmar singer popular thenkhatte leh Lazy Club te chuan USA-ah concert hrang hrang an buatsaih a, Zaw Paing-a pawh a khawsak dan eng eng emaw avangin mite sawichiat a hlawh nasa hle a, Zaw Paing-a hian USA-ah “Bawihte” tih tur thar neiin leng dang a chai ta zawk em ni ang aw!? tih te in mi thenkhat phei chuan an sawi sep sep a ni awm e. Yangon-a a kalsan tak a nupui Mi Mi-i pawh a rilru a hah vel hle a ni awm a, a fa hmasa ber lo piang pawh vanduaithlak takin a chiat phah tiin an sawi bawk.
No comments:
Post a Comment
I ngaih dân han thawh ve rawh le....