October 9, Zirtawp ni hian 2009 Nobel Peace Prize chu America President Obama hnenah hlan a ni. President hna a chelhna kum khat pawh a la tlin hmain Obama hian U.S. mipuite tan beiseina lian tak a dinchhuahpui bakah,khawvelah remna leh muanna a thlen theihnan theihtawpin hma a la a; hetianga khawvel hruaitu hrang hrang leh mipuite nen theihtawpa hna a thawhna vangin Norwegian Nobel Comittee chuan he lawmman, mibikte chauh an hlan thin hi an hlan a ni a. President office a luahna chu la rei lo teh mahse Obama hian hma a la zau hle a, khawvel sumdawnna tlachhia siamthat nan te, terrorism do nan te, Afghanistan leh Iraq indo buaina chinfel kawngahte etc... hma a la duai duai mai a ni.
Obama hi American president chelh tawhte zingah hetiang mibikte lawmman dawngtu a pathumna a ni. Kumin peace prize lawmman dawng tura nominees te chu mi 172 leh organizations 33 an ni a. He Nobel lawmman dawngtu hnenah hian 1.4million man hu vel lawmman hlan an ni thin a, president Obama pawh hian he a lawmman dawn hi farah chawm nan pek chhuah a tum thu sawiin, "hetiang chawimawina lawmman sang lutuk hi chu ka beisei pha ngai lo", tiin a lawmna a tarlang bawk.
No comments:
Post a Comment
I ngaih dân han thawh ve rawh le....