Kum 1750 vel atang tawh khan France leh Germany ramahte chuan Industrial revolution an tih finna leh thiamna lama hmasawnna nasa tak a lo awm tawh a, chung hmasawnna rah chuan thil tam tam a rawn hring chhuak a, kum 1865 khan International Telecommunication Union din a ni a, 1874-ah Universal Postal Union pawh din nghal a ni.
Kum 1899 khan International Peace Conference hmasa ber chu Hugue-a hman a ni a, he rorelnaa an sawiho agenda pawimawh ber chu khawvela buaina hrang hrang chifel dan tur ngaihtuah leh ram leh ram indo lo tura ramtinte tanlak dan tur relho a ni. He rorelna hian Convention for the Pacific Settlement of International Disputes leh Permanent Court of Arbitaration tihte chu a rawn hringchhuak leh a, heng agency-te hian kum 1902 atang khan hma an la tan theih chauh a ni.
United Nations din a nih hmaa international organization pawimawh ber chu kum 1919-a an din League of Nations kha a ni. He organization hi Khawvel Indopui I laia Versailles Thuthlung (Treaty of Versailles) hnuaia din a ni a, amaherawhchu United States-in a zawm ve hauh lo. He organization-in a tum ber chu khawvela remna leh muanna humhalh tura thawhhona leh tanrualho a ni. He Versailles Thuthlung hnuaiah hian League of Nations zawmpui The International Labour Organization pawh din a ni a, nimahsela he League of Nations hian khawvel indopui II lo awm tur a dan zawh tak lo avangin kum 1946 khan tihtawp a ni nghal hmiah a ni. League of Nations hi U.S.in a awm loh avangin kum 1939 vel atang khan U.S., chuan organization din a lo rilru tawh a, President D. Roosevelt-a khan United Nations tih hming chu a lo sawi hmasa ber a, a kawhtir ber chu tangraul ramte insuihkhawm tih a ni. United Nations this hming official taka an koh hmasa ber tum chu ram 26 atanga palai kalkhawmten January 1, 1942-a Atlantic Rorel an neih tum khan an ko hmasa ber ta a ni. United Nations tih chu Khawvel Indopui II lai khan a lo piangchhuah ta a ni.
Kum 1945, April 25 khan khawvel ram 50 atanga palaite chuan San Francisco khawpuiah United Nations Conference hmasa ber an hmang a, October 24, 1945 khan Security Council permanent ram 5 tia an koh France, The Republic of China, Soviet Union, United Kingdom leh United States-te leh ram dang palai kalkhawmte chuan nemnghehna hming an ziah a, United Nations tih chu official takin a lo ding ta a ni. October 26, 1945 khan ram 50 atanga palai kalkhawmte chuan an rorelte chu an nemnghet nghal a, hemi tuma palai rawn kal thei lo Poland ram erawh chuan a hnuah nemnghehna hming a ziah ta chuah a ni. January 10, 1946 khan London khawpuia Westminster Central Hall-ah UN General Assembly hma a ni a, hei hi palai ram 51 atanga General Assembly an hma hmasa ber tum a ni.
United Nations din a nih hmaa international organization pawimawh ber chu kum 1919-a an din League of Nations kha a ni. He organization hi Khawvel Indopui I laia Versailles Thuthlung (Treaty of Versailles) hnuaia din a ni a, amaherawhchu United States-in a zawm ve hauh lo. He organization-in a tum ber chu khawvela remna leh muanna humhalh tura thawhhona leh tanrualho a ni. He Versailles Thuthlung hnuaiah hian League of Nations zawmpui The International Labour Organization pawh din a ni a, nimahsela he League of Nations hian khawvel indopui II lo awm tur a dan zawh tak lo avangin kum 1946 khan tihtawp a ni nghal hmiah a ni. League of Nations hi U.S.in a awm loh avangin kum 1939 vel atang khan U.S., chuan organization din a lo rilru tawh a, President D. Roosevelt-a khan United Nations tih hming chu a lo sawi hmasa ber a, a kawhtir ber chu tangraul ramte insuihkhawm tih a ni. United Nations this hming official taka an koh hmasa ber tum chu ram 26 atanga palai kalkhawmten January 1, 1942-a Atlantic Rorel an neih tum khan an ko hmasa ber ta a ni. United Nations tih chu Khawvel Indopui II lai khan a lo piangchhuah ta a ni.
Kum 1945, April 25 khan khawvel ram 50 atanga palaite chuan San Francisco khawpuiah United Nations Conference hmasa ber an hmang a, October 24, 1945 khan Security Council permanent ram 5 tia an koh France, The Republic of China, Soviet Union, United Kingdom leh United States-te leh ram dang palai kalkhawmte chuan nemnghehna hming an ziah a, United Nations tih chu official takin a lo ding ta a ni. October 26, 1945 khan ram 50 atanga palai kalkhawmte chuan an rorelte chu an nemnghet nghal a, hemi tuma palai rawn kal thei lo Poland ram erawh chuan a hnuah nemnghehna hming a ziah ta chuah a ni. January 10, 1946 khan London khawpuia Westminster Central Hall-ah UN General Assembly hma a ni a, hei hi palai ram 51 atanga General Assembly an hma hmasa ber tum a ni.
No comments:
Post a Comment
I ngaih dân han thawh ve rawh le....