Source: Mizokhawvel
Tunhnai khan Indonesia atanga Malay-Bible 10,000 an rawn tawlh luh chu Malaysia sawrkar chuan an lo man sak thu BBC news ah tarlan a ni.
He Malay tawnga ziah Bible-ah hian Pathian sawi nan Allah tih a ziah a ni a. "Kristian Bible ah Allah tih inziak hian kan pathian rilru a tina a ni" tiin sawrkar meuhin Bible chu an lo lambun hmiah mai a. Tunlai hian Roman Catholic Kohhran chuan he thu hi ngawipui mai lovin court-ah an thlen a, an inkhing buai mek a ni. Allah tih hi Arabic tawng a ni a, Malays ho hian an pathian hming koh nan he tawngkam hi kum zabi tam tak chhung an lo hmang tawh avangin an ta neih hmiah mai a. Mahse, Islam sakhua a lo dinchhuah hma daih atang tawh khan Kristian-Arabic tawng hmagten Allah tih tawngkam hi an lo hman tawh thu Church official-te chuan an sawi ve bawk a..
March thla khan Malay sawrkar hian Bible 5,000 an lambun/khuahkhirh tawh bawk. Malaysia ramah hian mipui hmun thuma thena hmun hnih chu Muslim an ni a, tunlai hian sakhua hruaitute leh mimir tamtak zingah he buaina hi a sosang hle.
"Hetianga Malay sawrkar laipui meuhin a ram mipuite anmahni tawng ngeia Bible neih/chhiar an khap chuan Malaysian danpuia sakhaw zalenna an ziahchhuah chuan awmzia a nei lo tihna a ni" tiin Christian Federation of Malaysia chuan Musliam ramah nekchepa an awm mek thu an tarlang bawk.
Hung eng emaw chen atang tawh khan Malay sawrkar chuan an ram chhungah Kristian ten Biakin duh duha sak pawh an khap hial reng a ni.
No comments:
Post a Comment
I ngaih dân han thawh ve rawh le....