Yangon khawpui Hlai Ta Ya Township-ah boom 7 a puak

September 16, zan khan Yangon khawpui Hlai Ta Ya Township-ah boom 7 a puak a, mi engzat chih nge thi erawh hriat a la ni lo. Hlai Ta Ya Township-a Cigarettes company leh ei leh in siamna company kingah zan dar 9:00pm vel khan boom a puak tih thu chu a hnaia khawsaten an sawi a ni.

Boom puah hmasak berna hmun chu Hlai Ta Ya Township, Ward 5, Bo Kyoke Bus stop kianga thawmhnaw leh khawl bungrua lian tak tak siamna KOMAT’SU BOMAG leh UMW company kiangah a ni a, rei vak lovah chuan police-te a rawng thleng nghal vat a, boom puahna hmun vel an endik mek lai chuan a kiang lawka Cigarettes siamna company VALIANT (V) kiangah boom 2 a zawnin a puah leh a ni. Chutianga company hruaitute leh police-te an buai mup mup lai chuan zan dar 12:00pm velah Max Cool Drink company kiangah a dang 2 a puak leh a, chutiang bawk chuan a kiang lawkah pawh a dang a rawn peak leh a, hetianga boom tipuaktute hi tute nge an nih tih erawh chu chiang taka hriat a la ni lova, tunah hian an la chhui mek a ni.

Hlai Ta Ya Township-a boom a puah avangin security lam pawh an uluk hle a, security guard hoten company chheh vela mipuite hnenah pawh mikhual riahtir lo turin leh loh theih loh thila riah tur an awm a nih pawhin mikhual riak turte report ngei ngei turin an hrilh bawk a ni.

More

Print this post