MYANMAR MILITARY INTELLIGENT CHIEF HLUI CHU SUAL SIPAITEN (ADVISER) ATÂN DAH LEH DÂWN

By: Tluanga Chhakchhuak

(Rulputar a rawn kîr leh dâwn em mi?)

Rtd. General Khing Nyunt-a hi Myanmar Military Intelligent (MI) Chief hlui a ni a. Sual sipai Council chuan Adviser atân an ruat thu nizân aṭangin  khual thuthang kan lo hre daih tawh a. M.I chief atân Lt General Moe Myint Htun-a chu dah a ni mai thei an ti bawk. Gen (Rtd) Khin Nguta hi Military Intelligent ho thurâwn petu atân lo ruat ta pawh nise Myanmar ramin a chhe thei ber dinhmuna a awm mêk avângin Myanmar ram tân chuan han chhe leh chhawng tûr a awm hran tawh chuang lo ang.

Myanmar ramah chuan tu nge Military Intelligent Director hlui General (Rtd) Khin Nyunt tih hi zawhna siam hran pa a ngai êm êm lem lo vang. 

Gen. Khin Nyunta hi military officer and politician lâr tak a ni. Intelligence Chief a ni ṭhîn a, Prime Minister angin 25 August 2003 aṭangin 18 October 2004 thleng Myanmar ramah a lo thawk tawh ṭhîn a. A hunlaia lalber chu ni lo mah se, thunei ber zînga mi a ni. 2004 khân amah phiarrututen sipai officer hna aṭangin an ban luihtîr a, Jailah enge maw chen atan hnuah President Thein Seina hunlai khân a ngaidam a, politics ka bânsan ang tia tiamtirin chhuah zalên a ni.

A hun laia sipai sorkarin an din State Peace and Development Council ah hian First Secretary a ni. Tûnah pawh hian a la hrisêl ṭha hle a ,23.10.1939 a piang a ni a, kum 81 a hmang mêk a ni.

Amah hi Burmese leh Chinese thlahpawlh a ni a, an pi leh pu an thlahtute hi Chinese (Hakkas) hnam, China ram Meizhou, Guangdong lam chhuak dik tak an ni a, Eng vangin nge China sorkarin an thisen zawmpui an chinlai lung duh, an chipui sipai lalte chu engkimah an ṭan loh bik lem ang le?

Gen. Khin Nyunt-a hian Myanmar (Ethics Arms Group) hel pâwlho chu an inpumkhatna aṭanga lungrual lo tûrin hem a thlak thiam hle. Myanmar tualchhûng indona avânga Karen ram tân independent sual pâwlte leh Myanmar sipaiho indona muala an inkhuainuai chhiam tuma Karen sipai hoin an chan that êm êm lai khân  an political pâwl lian ber Karen National Union (KNU) chu an inkârah hem a thlâk thiam a. Karen hnamho lungrual tak ṭhîn chu an sakhaw biak leh rinna hran an neih vang maia Christian-te leh Buddhist an nihna chu vervek takin a thendarh thiam a, KNU, KNO pâwl chu awlsam takin Myanmar sipaite thuhnuaia awm tûrin a siam thei a ni.

A tih dân pangngai angin Myanmar rama hnam chi hrang hrang zînga sakhaw hrang betute chu inlungrual lo tûrin  chirhtheh hna chu a chhunzawm leh ngei ang. Chu mai duh tâwk lovin phai rama chengte leh tlâng rama chengte hi eng tin tin emaw itsikna, inhmuhsitna, hleilenna hmangin inhmuhthiam lohna chi a ṭuh leh ngei dâwn a ni. Ma Ba Ta tia hriat Kawl Buddhist sakhaw firfiak pâwl lo ngawi ta reng pawh a chawk tho thei leh dâwn tih chu Luka ziak anga chiang a ni tawh ang.

M.I (intelligent ) Chief, General Khin Ngunt hi Sipai hobin adviser atân an lo ruat tih chiang lo ruaia ka hriat aṭangin kan rilrua lo lang chu enthlatu atâna a hman thin, a (M.I) sipai hluite chu a dap khâwm leh ngei ang. Sipai aṭanga lo châwl tawh, a lo chhawr ṭhîn M.I sipai hluite hlei hlei hi pension-in chhuak tawh mah se, a tân civil enthlatu Spy or Dalan an ni leh ngei dâwn a, mipui zîngah mi naran angin awmin an hmaithinhawng an phelh miau loh vangin RULPUTAR an ni tih hi kan hre thei dâwn miah lo a ni. Anniho zînga a tam zâwk hi sipai thlawp party (rawnghring) in an thluak a suk ât tawh rilru fim nei thei tawh lote an ni hlawm.

Gen. Khin Ngunt-a tirhkah ek ei rawh a tih pawha ei tûrte hian anmahni sipaiho zîngah ngei pawh mi hlauhawm tihbaiawm ni tûrte an ni. A chhan chu an mahni chunga hremna lektu sipai lalte kha an la theihngilh miah lova phuba an la ngei dâwn. 

Sipaiten thuneihna an pâwng lâk ni aṭangin Khin Ngunt-a hi a reh riau mai a, Sipai Council ho hnunga China hovin mawnghiattu atân an hman a lo ni reng tawh a ni.

Sipai Council-in hetianga an ruat leh hi kawng leh lamah kan tân a ṭha hle mai. Dan hluiin sipai lalte thil tihsual hi nakin hnuah khin theih a ni lo, tia an ziah an mahni ngeiin bawhchhetu/ thiattu an nih tak avângin Khawvêl Court sâng ber CJC/ICC ten tûn hmaa a thil tihsualte pawh khing telin ro a rêlsak ve dâwn ta a ni.

Print this post